Вы тут

Копію сцяга 393-га асобнага зенітна-артылерыйскага дывізіёна Брэсцкай крэпасці перададуць на Байкал


У маі плануецца даць старт аўтапрабегу з Брэста ў Іркуцк, прысвечаны 80-й гадавіне абароны Брэсцкай крэпасці, паведамляе сайт газеты «Заря». Аб гэтым дасягнута дамоўленасць падчас пасяджэння рабочай групы па супрацоўніцтву Іркуцкай вобласці з Рэспублікай Беларусь, якое прайшло ў канцы снежня ў рэжыме відэаканферэнцыі. З беларускага боку рабочую групу ўзначальвае старшыня Брэсцкага аблвыканкама Анатоль Ліс, з расійскага — губернатар Іркуцкай вобласці Ігар Кобзеў. 


У ходзе аўтапрабегу плануецца пераадолець 16 тысяч кіламетраў з Брэста ў Іркуцк, сустрэцца з шэрагам патрыятычных клубаў і арганізацый. Удзельнікі аўтапрабегу маюць намер прывезці на возера Байкал копію легендарнага сцяга 393-га асобнага зенітна-артылерыйскага дывізіёна 42-й стралковай дывізіі. Арыгінал сцяга знаходзіцца ў Брэсцкай крэпасці. А капсулу з зямлёй крэпасці мяркуецца перадаць гораду Іркуцку. Зараз вядзецца падрыхтоўчая работа, афіцыйная прэзентацыя праекта, які атрымаў назву «Садружнасць», запланавана на другую палову студзеня.

Святлана ЯСКЕВІЧ

Фота з сайта газеты «Заря»

Выбар рэдакцыі

Палітыка

Лукашэнка: Мы павінны прыняць дадатковыя меры па абароне інтарэсаў шматдзетных сем’яў

Лукашэнка: Мы павінны прыняць дадатковыя меры па абароне інтарэсаў шматдзетных сем’яў

Пра гэта Прэзідэнт заявіў падчас нарады з кіраўніцтвам Савета міністраў.

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.

Грамадства

Не ўпэўнены — не бяры. Як збіраць, гатаваць і захоўваць дары лесу

Не ўпэўнены — не бяры. Як збіраць, гатаваць і захоўваць дары лесу

Восень — пара «ціхага палявання», калі многія з нас адпраўляюцца ў лес па грыбы.