Вы тут

Як зменіцца Беларускае радыё ў новым сезоне?


Са студзеня радыёканалы медыяхолдынга пачынаюць новы вяшчальны сезон. На хвалях Беларускага радыё з'явяцца прэм'ерныя праекты — інфармацыйныя, аналітычныя, палітычныя, эканамічныя, культурныя праграмы, а таксама хіт-парады і віктарыны.


У спісе навінак Першага нацыянальнага канала Беларускага радыё спецыяльны публіцыстычны праект «Грамадства і ўлада», прысвечаны ходу падрыхтоўкі і правядзення VІ Усебеларускага народнага сходу, рэалізацыі Праграмы сацыяльна-эканамічнага развіцця Рэспублікі Беларусь на 2021—2025 гады. З'явіцца на хвалях Першага нацыянальнага і спецыяльны пазнавальны праект «Эфірны летапіс» пра важнейшыя падзеі гісторыі Беларусі 1918—2000 гадоў, дзе зможам пачуць унікальныя аўдыяматэрыялы з фондаў Беларускага радыё. А вось аўтары штодзённага інфармацыйна-аналітычнага праекта «Адукацыя.by» сарыентуюць слухачоў у нацыянальнай сістэме адукацыі. У новым сезоне нас чакае таксама інфармацыйна-пазнавальны праект «Медыяцыя» пра асаблівасці прымянення практыкі дасудовага вырашэння канфліктаў. Плануецца па традыцыі правядзенне юбілейнага Х Рэспубліканскага творчага радыёконкурсу «Маладыя таленты Беларусі». У рамках праекта яго ўдзельнікаў чакаюць творчыя сустрэчы і майстар-класы ад пераможцаў мінулых гадоў і артыстаў творчага аб'яднання музычных калектываў Белтэлерадыёкампаніі.

У эфіры міжнароднага радыё «Беларусь» павялічыцца доля грамадска-палітычных і сацыяльна-эканамічных праграм. Сярод навінак, напрыклад, праект на рускай і англійскай мовах «Вектар супрацоўніцтва», інфармацыйна-аналітычны праект на рускай, англійскай і польскай мовах «Рэгіянальны аспект» і іншыя.

Канал «Культура» ў новым сезоне плануе правесці шэраг мерапрыемстваў. Спецыяльныя праекты будуць прымеркаваны да 20-годдзя канала. Парадуюць тут слухачоў і прэм'ерамі музычных праектаў, сярод якіх перадача пра творчасць сучасных сусветных кампазітараў «Музычны мэйнстрым»; праграма аб стваральніках і выканаўцах джазавай музыкі «Час на джаз»; пазнавальны праект «Музыка тэатра і кіно». Публіцыстычная праграма «Алгарытм гармоніі» з удзелам псіхолагаў, арт-тэрапеўтаў прапануе слухачам абмеркаваць актуальныя тэмы эмацыянальнага інтэлекту людзей, а новы гібрыдны праект «На паліцах фанатэкі» раскажа пра ўнікальныя дакументальныя і мастацкія фонды Беларускага радыё... Для самых юных слухачоў на «Культуры» з'явіцца новы мастацкі праект «Дзіцячы радыётэатр», дзе дзеці змогуць пазнаёміцца з найлепшымі ўзорамі сусветнай літаратуры. Пра паэтычную спадчыну класікаў і аўтараў-пачаткоўцаў даведаемся ў праграме «Прачулым радком...».

Аснову музычнага напаўнення радыёстанцыі «Сталіца» ў новым сезоне будуць складаць найлепшыя сучасныя хіты, а таксама сусветная класіка рока. У ліку новых праектаў інфармацыйна-пазнавальная праграма аб вядомых людзях Беларусі «Лініі лёсу», музычна-пазнавальная праграма пра класічную рок-музыку «Больш за чатыры», праект «Невядомая сталіца», які пазнаёміць з гісторыяй Мінска, і г. д.

На радыёстанцыі «Радыус- FM» пачуем не толькі заходнюю і беларускую поп-музыку, але і папулярных расійскіх выканаўцаў. Слухачоў чакаюць тэматычныя віктарыны і конкурсы. Сапраўдным сюрпрызам стане для аўдыторыі і абноўленае ранішняе шоу «Тэорыя вялікага ранку», дзе з'явяцца новыя рубрыкі з розыгрышамі. Яшчэ можна будзе паслухаць тут тэматычныя праграмы пра спартсменаў «Спорт, спорт, спорт!», пра ўнутраны турызм і вядомыя мясціны Беларусі «Накіроўвайся за мной», пра навінкі кінаіндустрыі раскажа «Кіналюкс», а вось з жыццём і вопытам паспяховых людзей бізнесу пазнаёміць «Брэнд-Вох».

Алена ДРАПКО

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.