Вы тут

ІГОЛКАТЭРАПІЯ


У госці да казкі

Гомель. Тры медсястры ў дзвюх установах агульнай сярэдняй адукацыі адчулі сябе ў алагічным Залюстроўі са знакамітай кнігі англійскага пісьменніка Льюіса Кэрала. Працавалі не горш, чым у снежні 2019 года, ды атрымалі ў цэлым на амаль 400 рублёў менш, чым за студзень 2020. У госці да казкі яны трапілі дзякуючы непамятлівасці кіраўнікоў. Тыя забыліся, што пры новай сістэме аплаты працы не толькі скасавалі некалькі нарматыўных актаў, але і не ўвялі стымулюючыя і кампенсацыйныя выплаты.
«Чары» знялі кантралёры. Грошы даналічылі.


 

Звязалі…

Брэст. Два гараджаніны гандлявалі анлайн вязанымі вырабамі і ў рэшце рэшт звязалі сябе паруках і нагах. З 2016 па 2019 гады праз інтэрнэт-магазін яны набывалі адзенне ў беларускіх вытворцаў і прадавалі расійскім прадпрымальнікам. Тавар афармляліся на фірмы ў краіне-суседцы, прыбытак збіраўся там жа, а кошт прадукцыі ў дакументах заніжаўся ў некалькі разоў.
Клубок незаконных схем разблыталі. Бюджэт недалічыўся звыш 925 тысяч рублёў падаткаў. Узбуджана крымінальная справа. Маёмасць падазроных, у тым ліку два аўтамабілі і пяць аб’ектаў нерухомасці, арыштаваныя.

 

З ранку і да вечара

Глыбоцкі раён. Кажуць, хто схлусіў раніцой, будзе хлусіць да вечара. Галоўны заатэхнік і загадчыкі фермаў сельскагаспадарчай арганізацыі напачатку прыпісалі каровам неіснуючыя «дасягненні»: у 2017 годзе надоі ўзраслі больш чым на 300 тон, у 2018-м — на 105. Потым, каб схаваць падман, у дакументах «абвінавацілі» цялят: маў-ляў, аказаліся вельмі прагнымі і выпілі за тры папярэднія гады звыш нормы каля адной тысячы тон малака на суму прыблізна 400 тысяч рублёў.
Але прыйшоў вечар… Для прадпрыемства хлусня каштавала амаль шэсць тысяч рублёў: аператары машыннага даення незаконна атрымалі зарплату, і ў дзяржаўны пазабюджэтны фонд сацыяльнай абароны насельніцтва былі пералічаны лішнія ўзносы. Палову сумы ўрону ўжо аплацілі, астатняе будзе вернута.


 

Крымінальнае спаборніцтва

Лідскі раён. Памятаеце анекдот: «Адкат — гэта грашовая ўзнагарода за выбар пэўнай фірмы, а тэндар — гэта чэмпіянат галіны па адкатах»? Згодна з ім начальнік аддзела мясцовага прамысловага прадпрыемства — кіраўнік зборнай па такім крымінальным спаборніцтве. Больш чым год ён дапамагаў прыватнай кампаніі і індывідуальнаму прадпрымальніку выйграваць працэдуры закупак і заключаць потым з яго арганізацыяй дагаворы на аказанне рэкламных паслуг. Апошнія практычна не рабіліся, затое шчодра аплачваліся: удзельнікі злачыннай схемы абнаявілі звыш 200 тысяч рублёў, пералічаных на рахункі падманшчыкаў.
Кар’ера «спартсменаў» скончылася прадказальна: ім пагражаюць турэмныя краты.


 

Па матэрыялах прэс-цэнтра Камітэта дзяржаўнага кантролю Рэспублікі Беларусь.

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.