Вы тут

Да канца тыдня падмарозіць не па-дзіцячы


Калі ў мінулым годзе снегу ў нас амаль не было, то сёлета з пачатку студзеня белае покрыва ахінула «па вушы». А ўслед за добрым снегам прыйдзе і арктычны холад, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


sorokainfo.com

Вышыня снежнага покрыва, паводле звестак на раніцу 11 студзеня, складае ад 1 да 26 сантыметраў, самыя высокія гурбы (30 см) адзначаныя на метэастанцыі «Барысаў». І ў далейшым атмасферныя франты ад паўночнаатлантычных цыклонаў будуць фарміраваць ападкі ў выглядзе снегу. У сувязі з распаўсюджваннем халодных паветраных мас з паўночных шырот істотна пахаладае, асабліва 15—17 студзеня, калі ў асобных раёнах па паўночным усходзе краіны ўначы паветра можа астудзіцца да 20—25 градусаў марозу.

А пакуль атрымліваем асалоду ад умераных маразоў і мяккага снегу. Сёння ўдзень месцамі па краіне пройдзе невялікі снег. На асобных участках дарог чакаецца галалёдзіца. Вецер прагназуецца паўднёва-заходні, паўднёвы ўмераны, удзень па захадзе парывісты. Максімальная тэмпература паветра складзе ад мінус 4 градусаў да 1 цяпла. Камфортная (не занадта халодная) зіма чакае нас і ў сераду. Часам будзе ісці снег, слабая мяцеліца. На асобных участках дарог прагназуецца галалёдзіца. Вецер будзе паўднёва-ўсходні, паўднёвы парывісты. Тэмпература паветра ўначы складзе 2—9 марозу, удзень будзе ад нуля да мінус 6 градусаў.

Лёгкае дыханне Арктыкі мы адчуем ужо ў чацвер. У гэты дзень, 14 студзеня, часам будзе ісці снег. На асобных участках дарог чакаецца галалёдзіца. Тэмпература паветра на працягу сутак складзе 7—13 марозу, у паўднёва-заходніх раёнах — ад мінус 3 да мінус 6 градусаў. У начныя гадзіны пераважна па паўночным усходзе месцамі да 14—15 марозу.

Паводле папярэдніх прагнозаў айчынных сіноптыкаў, у пятніцу на большай частцы Беларусі прагназуюцца кароткачасовы снег, слабая завіруха. На асобных участках дарог чакаецца галалёдзіца. Тэмпература паветра на працягу сутак складзе 11—18 марозу, уначы ў асобных раёнах — да мінус 21, па паўднёвым захадзе — 9—10 градусаў ніжэй за нуль.

Калі ў мінулыя гады нам здавалася, што мінус 20 — гэта «максімум» маразоў ад сівабародага дзеда, то ў гэты сезон усё па-іншаму. Паводле разлікаў спецыялістаў, другая дэкада студзеня прагназуецца халаднейшая, чым звычайна, на 1—3 градусы (пры норме мінус 3—6 градусаў). Таму ўжо ў суботу будзе яшчэ халадней. Месцамі пройдзе кароткачасовы снег, на асобных участках дарог чакаецца галалёдзіца. Тэмпература паветра ўначы складзе 14—21 марозу, у асобных раёнах — мінус 22—25 градусаў. Удзень холад таксама будзе «кусаць за вушы» — 11—18 градусаў ніжэй за нуль, па паўднёвым захадзе — мінус 9—10 градусаў.

Сяргей КУРКАЧ

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»