Вы тут

Памёр мітрапаліт Філарэт, ганаровы Патрыяршы экзарх усяе Беларусі


Памёр мітрапаліт Філарэт, ганаровы Патрыяршы экзарх усяе Беларусі, паведамляе БЕЛТА.


Герой Беларусі, праваслаўны царкоўны дзеяч, ганаровы Патрыяршы экзарх усяе Беларусі Філарэт (Вахрамееў Кірыл Варфаламеевіч) нарадзіўся 21 сакавіка 1935 года ў Маскве. Царкоўнае служэнне пачаў ў 1954 годзе іпадыяканам Свяцейшага Патрыярха Маскоўскага і ўсяе Русі Алексія.

У 1959 годзе ў Троіца-Сергіевай Лаўры прыняў манаскі пострыг з імем у гонар святога Філарэта Міласцівага і быў пасвечаны ў іераманаха. У 1978 году Філарэт быў прызначаны мітрапалітам Мінскім і Беларускім, Патрыяршым экзархам Заходняй Еўропы, а ў 1989-м — мітрапалітам Мінскім і Гродзенскім, Патрыяршым экзархам усяе Беларусі, пастаянным членам Святога Сінода. У 1992-2013 гадах быў мітрапалітам Мінскім і Слуцкім, Патрыяршым экзархам усяе Беларусі, свяшчэннаархімандрытам Свята-Успенскага Жыровіцкага манастыра.

Дзейнасць ўладыкі Філарэта атрымала шырокую вядомасць як у блізкім, так і далёкім замежжы. Пры ім у Беларусі былі адроджаны ўсе епархіі, якія існавалі гістарычна, аднавілі дзейнасць мужчынскія і жаночыя манастыры, брацтвы i сястрынствы. Намаганнямі Яго Высокапраасвяшчэнства аднавіла дзейнасць Мінская духоўная семінарыя, былі заснаваны Мінская духоўная акадэмія, духоўнае вучылішча, школа катэхетаў.

Па блаславенні Патрыяршага экзарха была адноўлена святыня Беларусі — Крыж прападобнай Еўфрасінні Полацкай, пачаў функцыянаваць унікальны сацыяльны праект Беларускай праваслаўнай царквы — Дом міласэрнасці. Па ініцыятыве мітрапаліта Філарэта ў царкоўны каляндар занесена новае свята «Сабор Беларускіх святых» і ўстаноўлена агульнацаркоўнае святкаванне ўсіх беларускіх святых, сярод якіх імёны прападобнай Еўфрасінні Полацкай, свяціцеляў Кірылы Тураўскага, Георгія Каніскага і іншых. Мітрапаліт Філарэт арганізаваў пераклад кніг Святога Пісання на сучасную беларускую мову.

Дзякуючы намаганням мітрапаліта Філарэта створаны Міжнародны хрысціянскі адукацыйны цэнтр імя святых роўнаапостальных Кірылы і Мяфодзія, а таксама Інстытут рэлігійнага дыялога і міжканфесійных камунікацый. Пры яго актыўным удзеле была распрацавана і складзена дамова аб супрацоўніцтве паміж Рэспублікай Беларусь і Беларускай праваслаўнай царквой.

Падзвіжніцкая асветніцкая дзейнасць ганаровага Патрыяршага экзарха ўсяе Беларусі Філарэта, яго вялікі асабісты ўклад у духоўнае адраджэнне беларускага і расійскага народаў адзначаны высокімі дзяржаўнымі ўзнагародамі — ордэнамі Айчыны III ступені, Дружбы народаў, Пашаны, Францыска Скарыны, расійскім ордэнам «За заслугі перад Айчынай» IV ступені і іншымі.

У 2006 годзе мітрапаліту было прысвоена званне «Герой Беларусі».

Выбар рэдакцыі

Грамадства

Шчаслівыя разам, або Формула кахання ад маці шасцярых сыноў

Шчаслівыя разам, або Формула кахання ад маці шасцярых сыноў

Крысціна Пасечнік вырасла ў сям’і цыркавых артыстаў. Дзяцей у такіх сем’ях звычайна раз, два і ўсё. Але ў Бога на яе конт былі іншыя планы.

Грамадства

Жанчыны «Нашай раніцы» на АНТ: лэдзі-бос, жанчына-агонь і дзяўчына-мара

Жанчыны «Нашай раніцы» на АНТ: лэдзі-бос, жанчына-агонь і дзяўчына-мара

Аб тэлебачанні, сям'і, сакрэтах прыгажосці, здароўя і добрага настрою.

Грамадства

Тэст. Беларускія жанчыны: імя ў гісторыі

Тэст. Беларускія жанчыны: імя ў гісторыі

Праверце, ці шмат вы пра іх ведаеце.

Грамадства

Тэлевядучая Кацярына Валовік: Маё шчасце залежыць толькі ад мяне!

Тэлевядучая Кацярына Валовік: Маё шчасце залежыць толькі ад мяне!

Асабісты погляд на тыя каштоўнасці, без якіх немагчыма паўнавартаснае жыццё жанчыны, незалежна ад узросту і статусу.