Вы тут

Абвешчаны рэспубліканскі конкурс на лепшы дзіцячы малюнак на экалагічную тэматыку


З 1 лютага ўпершыню стартуе Рэспубліканскі конкурс на лепшы дзіцячы малюнак на экалагічную тэматыку. Арганізатарам мерапрыемства выступае Міністэрства прыродных рэсурсаў і аховы навакольнага асяроддзя.


Конкурс праводзіцца ў мэтах фарміравання экалагічнай культуры, выхавання ашчаднага стаўлення да прыроды. У творчым спаборніцтве могуць прымаць удзел выхаванцы ўстаноў дашкольнай адукацыі, навучэнцы ўстаноў агульнай сярэдняй адукацыі і дадатковай адукацыі дзяцей і моладзі ў дзвюх узроставых групах: ад 3 да 5 гадоў, ад 6 да 10 гадоў.

Да ўдзелу ў конкурсе дапускаюцца работы, выкананыя на працягу года. Кожная з іх, што прадстаўляецца на конкурс, суправаджаецца інфармацыйным лістом удзельніка конкурсу з указаннем наймення ўстановы адукацыі, прозвішча, уласнага імя і ўзросту аўтара, паштовага адраса і кантактнага тэлефона. Работы прадстаўляюцца ў каляровым варыянце на лістах фарматам ад А4 да А1.

Конкурс праводзіцца з 1 лютага па 1 мая ў тры этапы: першы этап (1 лютага - 1 сакавіка) - вызначаюцца лепшыя работы на раённым і гарадскім узроўнях; другі этап (2 сакавіка - 1 красавіка) - вызначаюцца лепшыя работы на абласным узроўні; трэці этап (2 красавіка - 1 траўня) - вызначаюцца лепшыя работы на рэспубліканскім узроўні. Падвядзенне вынікаў конкурсу праводзіцца рэспубліканскім арганізацыйным камітэтам з вызначэннем першага, другога і трэцяга месца ў кожнай узроставай групе. Работы, якія не перамаглі ў конкурсе, накіроўваюцца арганізацыйным камітэтам удзельніку конкурсу. Узнагароджанне пераможцаў першага этапу конкурсу праводзяць раённыя, гарадскія, гарадскія і раённыя, Мінскі гарадскі арганізацыйныя камітэты, другога - абласныя арганізацыйныя камітэты, трэцяга - рэспубліканскі арганізацыйны камітэт. Пры разглядзе работ, прадстаўленых на конкурс, членамі арганізацыйнага камітэта ўлічваецца паўната раскрыцця тэмы намінацыі, колькасць работ, выхаваўчая і грамадская каштоўнасць, яркасць і арыгінальнасць падачы матэрыялу.

Сяргей РАСОЛЬКА

Прэв’ю з сайта Мінпрыроды

Выбар рэдакцыі

Грамадства

«Тут быў...» Што пісалі пяцьсот гадоў таму на сценах і камянях

«Тут быў...» Што пісалі пяцьсот гадоў таму на сценах і камянях

Іна Калечыц — першы і пакуль адзіны спецыяліст у Беларусі, які займаецца эпіграфікай.

Культура

Яго псеўданім быў нават запісаны ў пашпарце. Некалькі гісторый пра творы вядомага сатырыка Кандрата Крапіву

Яго псеўданім быў нават запісаны ў пашпарце. Некалькі гісторый пра творы вядомага сатырыка Кандрата Крапіву

«Хто сустрэўся быў са мною, Дакрануўся раз ці два, Дык той ведае ўжо, хто я:

Грамадства

Які хлеб любяць у Беларусі?

Які хлеб любяць у Беларусі?

У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.