Вы тут

Наталля Качанава наведала пляцоўкі ААТ «Гарызонт»


Старшыня Савета Рэспублікі Наталля Качанава наведала сёння ААТ «Кіруючая кампанія холдынгу «Гарызонт», паведамляе БЕЛТА.


Галоўная мэта паездкі — вывучэнне перспектыў развіцця холдынгам «Гарызонт» тэрыторыі ў межах вул.Куйбышава — пр.Машэрава — вул.Чырвоная — вул.Кісялёва, у тым ліку пытанняў магчымага функцыянальнага напаўнення незадзейнічаных будынкаў і збудаванняў, а таксама іх рэканструкцыі. Такое даручэнне было дадзена 5 студзеня Прэзідэнтам пры наведванні холдынгу.

«Стаіць задача эфектыўнага выкарыстання кожнага метра тэрыторыі холдынгу пад размяшчэнне новых вытворчасцей, каб людзі былі забяспечаны працай і гэтыя вытворчасці прыносілі карысць дзяржаве. Вывучаецца магчымасць размяшчэння тут навукова-даследчых аб’ектаў, адукацыйнага цэнтра, развіцця вытворчасцей, заснаваных на новых і высокіх тэхналогіях, пашырэння медыцынскага абслугоўвання насельніцтва. Гэтая тэрыторыя павінна выкарыстоўвацца з карысцю для дзяржавы і жыхароў краіны», - адзначыла Наталля Качанава. Да гэтай працы будуць актыўна прыцягнутыя Міністэрства прамысловасці, гарадскія ўлады, а таксама патэнцыял навуковай супольнасці — ДКНТ і Нацыянальная акадэмія навук.

«Прадукцыя, якую сёння вырабляе холдынг «Гарызонт» , павінна быць увязана ў эканоміку і актыўна выкарыстоўвацца ў адукацыйнай сферы, медыцынскай галіны краіны. Часу ў нас няшмат, таму рашэнне па гэтым пытанні павінна быць прынята ў самы бліжэйшы час», — падкрэсліла ўпаўнаважаная па гораду Мінску.

Дырэктар кампаніі ЗАТ «Гарызонт-Белінвест-дэвелапер» Іна Кавалёва дадала, што на дадзены момант распрацавана канцэпцыя рэканструкцыі вытворчага квартала «Гарызонт».

«Цяпер яна вынесена на абмеркаванне, каб дзесьці адкарэктаваць і пачаць ужо непасрэдную рэалізацыю праекта, — распавяла яна. — Першапачаткова тут была тэлевізійная вытворчасць завода «Гарызонт». У далейшым завод перанеслі на вуліцу Соф’і Кавалеўскай і сталі рыхтаваць пляцоўку для рэалізацыі праекта. гэта цэнтр горада, і неабходна зрабіць найбольш эфектыўныя ўкладанні ў гэтае месца».

Іна Кавалёва падкрэсліла, што ўпор будзе зроблены на вытворчасць, разлічанае на інтэлектуальную працу.

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.