Вы тут

ДЗІВА ДЗІЎНАЕ Генадзь АЎЛАСЕНКА. ТАКІЯ НЕЗВЫЧАЙНЫЯ ПРАФЕСІІ


Генадзь АЎЛАСЕНКА

ТАКІЯ НЕЗВЫЧАЙНЫЯ ПРАФЕСІІ

Існуе заканамернасць: чым багацейшая краіна, тым больш у ёй самых розных прафесій, часам вельмі і вельмі незвычайных.
 

Хто з нас не марыў хоць на нейкі час адчуць сябе кімсьці іншым, атрымаць новыя нечаканыя ўражанні? Напрыклад, пабыць суткі знакамітым акцёрам альбо за сорак дзён пазнаёміцца з сарака дзяўчынамі з сарака розных краін. А хтосьці прагне апынуцца ў антычнай Грэцыі альбо наогул у прыдуманай казачнай краіне...
Усё гэта, як ні дзіўна, магчыма. Трэба толькі наведацца ў офіс адной амерыканскай фірмы, супрацоўнікі якой і займаюцца выкананнем жаданняў. Як кажуць, любы капрыз за вашыя грошы.
Праўда, фінансы немалыя. Як мінімум — 150 тысяч долараў. Максімум жа неабмежаваны...

 

Прадстаўнік гэтай прафесіі ўнікальны і жыве ў Стак- гольме. Гэта жанчына Эльфрыда Карлсан, якая ўмее віртуозна і разнастайна брахаць. Чым і зарабляе на жыццё.
Шведы, якія маюць сабак, павінны плаціць спецыяльны падатак. Але некаторыя з грамадзян не спяша-юцца паведамляць у падатковыя службы пра набыццё чацвераногага сябра. Задача Эльфрыды Карлсан — выяўляць такіх несумленных аматараў жывёл.
У яе абавязкі ўваходзіць хадзіць па вуліцах і… брахаць на розныя лады. І калі з дома, гаспадары якога не рэгістравалі сабаку, пачуецца ў адказ брэх — значыць, парушальнік выяўлены і будзе прыцягнуты да адказнасці.
Дарэчы, па брэху Эльфрыда можа вызначыць не толькі наяўнасць у доме сабакі, але і яго пароду і нават узрост. Здаецца, прозвішча Карлсан ёй усё ж варта памяняць.

 

Ёсць, аказваецца, і такая работа. Праўда, толькі для маладых жанчын. Знаходзяцца яны ў нью-ёркскім Новым музеі сучаснага мастацтва. Іх абавязкі заключаюцца ў тым, каб прыйсці раніцай на працу, выпіць снатворнае і потым увесь дзень спаць у якасці экспанату. Уяўляеце: вы на працы адпачываеце, а за гэта яшчэ і грошы плацяць. Не работа, а мара!
 

Дэгустатары бываюць розныя. Адна справа — дэгуставаць каву, шакалад альбо спіртныя напоі, і зусім іншая — каціны корм. Дарэчы, перад запускам у продаж гэты прадукт праходзіць вельмі строгі кантроль. Але ж не паставіш дэгустатарам ката. Харч ён, вядома, з’есць з задавальненнем, вось толькі пра ўражанні нічога паведаміць не зможа. Тут патрэбны чалавек...
У абавязкі такога спецыяліста ўваходзіць наступнае. Спачатку эксперт павінен максімальна наблізіць твар да міскі з кормам і як след удыхнуць пах, каб зразумець, якой ён свежасці. Потым неабходна апусціць рукі ў спажыву, каб перабраць яе пальцамі і ўпэўніцца ў адсутнасці кавалачкаў касцей. І напрыканцы — пакаштаваць харч на смак...
У кандыдатаў на гэтую пасаду павінны быць, як і ў любога дэгустатара, добры нюх і развітыя смакавыя рэцэптары. Ну і, безумоўна, моцны страўнік.

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.