Сёлета спаўняецца 80 гадоў з дня нараджэння народнага артыста Беларусі і СССР, заснавальніка і мастацкага кіраўніка ВІА «Песняры» Уладзіміра Мулявіна. У эфіры сацыякультурнага тэлеканала ўспаміналі творцу ў дзень яго нараджэння паказам архіўных запісаў выступленняў, а вось у суботу тут пакажуць запіс канцэртнай праграмы «Я нясу вам дар».
Яе здымачная група запісала ў Вялікай зале Белдзяржфілармоніі ў сам дзень нараджэння Уладзіміра Мулявіна 12 студзеня. У праграме, прымеркаванай да юбілею артыста, прагучаць яго аўтарскія творы ў выкананні Нацыянальнага акадэмічнага народнага аркестра імя І. Жыновіча пад кіраўніцтвам народнага артыста Беларусі Міхаіла Казінца, а таксама запрошаных салістаў. Хэдлайнерам вечара памяці выступіць вядомы інтэрпрэтатар творчасці ансамбля «Песняры» рок-музыкант Ян Жанчак.
Глядзіце тэлеверсію канцэртнай праграмы на «Беларусь 3» у суботу ў 22.35.
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
