Вы тут

Праграма «Настаўнік для Беларусі» чакае навабранцаў


Кожны навучэнец мае права на якасную адукацыю, але гэтага немагчыма дасягнуць без актыўных, матываваных, мэтанакіраваных і таленавітых педагогаў. Менавіта таму і з’явілася праграма «Настаўнік для Беларусі». Гэты праект разлічаны на тых, хто гатовы змагацца з адукацыйнай няроўнасцю, хто не баіцца новага і верыць што кожнае дзіця павінна мець шанец на развіццё свайго патэнцыялу.


Стаць яго ўдзельнікамі могуць не толькі выпускнікі педагагічных спецыяльнасцей і вопытныя настаўнікі: у гэтым годзе праграма стала даступнай для ўсіх уладальнікаў дыпломаў аб вышэйшай адукацыі — апошнія праходзяць адпаведную перападрыхтоўку ў магістратуры БДПУ.

Зараз у рэгіёнах краіны выкладаюць ужо больш за 30 «настаўнікаў для Беларусі» (9 дзельнікаў першага набору і 22 — другога), праграма ахапіла літаральна ўсю краіну (19 школ-партёраў). Педагогі ўдзельнічаюць у міжнародных конкурсах, хакатонах і фестывалях, эксперыментуюць з дыстанцыйным навучаннем, праводзяць анлайн-летнікі і ставяць спектаклі (апошнія — з удзельнікамі праекта «Праз тэатр», які арганізавала IT-кампанія «Вайзор Геймз»).

У гэтым годзе фонд «Новая школа» плануе набраць новых «настаўнікаў для Беларусі», каб пашырыць сваю прысутнасць у рэгіёнах і стварыць унікальныя адукацыйныя магчымасці для большай колькасці дзяцей.

«Настаўнікі для Беларусі» павінны будуць выкладаць на стаўку на працягу двух гадоў і працаваць над праектам, важным для дзяцей і мясцовай супольнасці. Фонд «Новая школа», заснаваны БПС-Ашчадбанкам, кампенсуе выдаткі на жыллё і гарантуе ўдзельнікам штомесячную стыпендыю ў памеры 250 рублёў. Партнёры праграмы — анлайн-гіпермаркет 21vek. by і EPAM Systems — прадастаўляюць ноўтбукі для работы.

Другая хваля набору працягнецца да 28 лютага 2021-га ўключна. Даведацца аб падрабязнасцях можна тут - http://teach4.by/uchastnikam, запоўніць анкету тут - http://teach4.by/anketa

Надзея НІКАЛАЕВА

Выбар рэдакцыі

Культура

Яго псеўданім быў нават запісаны ў пашпарце. Некалькі гісторый пра творы вядомага сатырыка Кандрата Крапіву

Яго псеўданім быў нават запісаны ў пашпарце. Некалькі гісторый пра творы вядомага сатырыка Кандрата Крапіву

«Хто сустрэўся быў са мною, Дакрануўся раз ці два, Дык той ведае ўжо, хто я:

Грамадства

Які хлеб любяць у Беларусі?

Які хлеб любяць у Беларусі?

У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.

Грамадства

Дыхаць на поўныя грудзі. Міфы і праўда аб мамапластыцы

Дыхаць на поўныя грудзі. Міфы і праўда аб мамапластыцы

Прадстаўніцам прыгожага полу заўсёды хочацца нешта змяніць у сваёй знешнасці. І часам жанчыны рашаюцца на кардынальныя крокі.