Вялікі тэатр Беларусі запрашае на вечар музыкі кампазітара Георгія Свірыдава 31 студзеня, паведамілі БЕЛТА арганізатары.
Гледачам прадставяць літаратурна-музычную кампазіцыю «Завея», якая аб’яднае ў сабе аповесць Аляксандра Пушкіна, музычныя ілюстрацыі Георгія Свірыдава да аднайменнага кінафільма, а таксама рамансы кампазітара на словы Міхаіла Лермантава, Сяргея Ясеніна, Аляксандра Блока, Віктара Гюго.
«Наша жыццё напоўнена выпадковасцямі. Менавіта яны ствараюць ланцужок падзей, якія чыняць нашы лёсы. Аповесць Аляксандра Пушкіна “Завея” з цыкла “Аповесці нябожчыка Івана Пятровіча Белкіна” распавядае пра каханне, якое, як і ўсё ў гэтым жыцці, з’яўляецца тады, калі мы яго не чакаем, — распавяла рэжысёр, лаўрэат міжнародных конкурсаў Дар’я Пататурка. — Чароўнай, вытанчанай і душэўнай музыкай Георгія Свірыдава будзе працяты ўвесь канцэрт».
Удзел у канцэрце прымуць салісты: уладальнік медаля Францыска Скарыны Юрый Гарадзецкі, лаўрэаты міжнародных конкурсаў Марына Мароз і Дзяніс Янцэвіч. Акампанаваць за раялем будзе Таццяна Панасюк. Рэжысёра праекта Дар’ю Пататурка гледачы ўбачаць і ў ролі чытальніка.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
