У Беларусі за суткі зарэгістравана 207 галалёдных і халадовых траўмаў

У Беларусі за суткі зарэгістравана 207 галалёдных і халадовых траўмаў, паведамляе прэс-служба Міністэрства аховы здароўя.

Усяго ў краіне з 1 па 17 студзеня ад халадовых і галалёдных траўмаў пацярпелі 2442 чалавекі. З іх 2166 чалавек атрымалі медыцынскую дапамогу амбулаторна, 276 былі шпіталізаваны.

• Больш за ўсё пацярпелых зарэгістравана ў Магілёўскай вобласці - 548 (за суткі да медыкаў звярнуліся 30 чалавек). Халадовыя траўмы дыягнаставаны ў 16 пацыентаў (за суткі ў 5 чалавек), галалёдныя - у 532 (за суткі ў 25) пацярпелых. У бальніцы шпіталізаваны 67 чалавек (за суткі 6).
• Крыху менш пацярпелых у Віцебскай вобласці - 487 пацыентаў (за суткі 23). Халадовыя траўмы дыягнаставаны ў 13 пацыентаў (за суткі ў 5 чалавек), галалёдныя - у 474 (за суткі ў 18) пацярпелых. У бальніцы шпіталізаваны 37 чалавек (за суткі 6).
• У Брэсцкай вобласці з 1 студзеня звярнуліся па медыцынскую дапамогу 223 чалавекі (за суткі 38). Халадовыя траўмы дыягнаставаны ў 16 пацыентаў (за суткі ў 5 чалавек), галалёдныя - у 207 (за суткі ў 33) пацярпелых. У бальніцы шпіталізаваны 32 чалавекі (за суткі 3).
• Шмат пацярпелых у Гродзенскай вобласці - 343 (за суткі 47). Халадовыя траўмы ў 20 пацыентаў (за суткі ў 5 пацярпелых), галалёдныя - у 323 (за суткі ў 42) пацярпелых. У бальніцы шпіталізаваны 62 чалавекі (за суткі 9 пацярпелых).
• У Гомельскай вобласці зарэгістраваны 192 пацыенты (за суткі 27). Халадовыя траўмы дыягнаставаны ў 9 пацыентаў (за суткі ніхто не звярнуўся), галалёдныя - у 183 (за суткі 27) пацярпелых. Усяго з пачатку года ў бальніцы шпіталізаваны 18 чалавек.
• Што датычыцца Мінскай вобласці, тут да медыкаў звярнуліся 305 пацыентаў (за суткі 16). Халадовыя траўмы дыягнаставаны ў 8 пацыентаў (за суткі 5 чалавек), галалёдныя - у 297 (за суткі 11) пацярпелых. У бальніцы шпіталізаваны 31 чалавек (за суткі 5).
• У Мінску дапамога спатрэбілася 344 пацыентам (за суткі 26). Халадовыя траўмы дыягнаставаны ў 19 чалавек (за суткі ў 13), галалёдныя - у 325 (за суткі 13) пацярпелых. У бальніцы шпіталізаваны 29 чалавек (за суткі 8).

Прэв’ю: telegraf.com.ua