Вы тут

Пройдзе прэзентацыя новага рамана Людмілы Рублеўскай «Авантуры Вырвіча, Лёдніка і Чорнай Меланхоліі»


20 студзеня а 17-й гадзіне ў «Акадэмкнізе» (Мінск, пр-т Незалежнасці, 72) пройдзе прэзентацыя новага рамана Людмілы Рублеўскай «Авантуры Вырвіча, Лёдніка і Чорнай Меланхоліі», які выйшаў у свет у Выдавецкім доме «Звязда» напрыканцы 2020 года. Гэты твор — шостая па ліку кніга ў цыкле раманаў пра Пранціша Вырвіча. 


У рамане вядомай авантурна-прыгодніцкай сагі, дзеянне якой адбываецца ў XVIII стагоддзі, мы зноў сустракаемся з улюбёнымі героямі — адважным шляхціцам Пранцішам Вырвічам і вучоным доктарам Баўтрамеем Лёднікам. Іх уцягваюць у палітычныя інтрыгі апошніх гадоў існавання Рэчы Паспалітай. Героям даводзіцца абараняць камень з кароны Карла Вялікага, вандраваць па падземнай рацэ, ажыўляць механічнага шахматыста, удзельнічаць у страшнай гульні Святога Пятра і пазнаёміцца з Чорнай Меланхоліяй. 

Кніга лаўрэата Нацыянальнай літаратурнай прэміі Беларусі Людмілы Рублеўскай выйшла ў серыі «Святло мінуўшчыны», у якой раней «Звязда» выпусціла гістарычныя творы Уладзіміра Караткевіча, Алега Ждана, Зінаіды Дудзюк, Барыса Косціна, Анатоля Бутэвіча, Леаніда Дайнекі…

На прэзентацыі ў «Акадэмкнізе» усе жадаючыя змогуць набыць кнігу з аўтографам пісьменніцы. 

Мікола БЕРЛЕЖ

Прэв’ю: depositphotos.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».