Вы тут

Больш за 3,7 мільёна пасажыраў скарысталіся тэрміналамі Беларускай чыгункі ў 2020 годзе


Дадзены канал продажаў карыстаецца ўзрастаючым попытам у пасажыраў. Зараз у сярэднім тэрміналамі самаабслугоўвання штомесяц карыстаецца каля 310 тысяч чалавек. Як паведамляе прэс-цэнтр магістралі, найбольшая колькасць квіткоў была аформлена праз тэрміналы ў перыяд з чэрвеня па кастрычнік. Пры гэтым пік «папулярнасці» тэрміналаў самаабслугоўвання прыйшоўся на снежань. У апошні месяц 2020 года імі скарыстаўся амаль кожны дзесяты пасажыр цягнікоў рэгіянальных ліній эканом класа і гарадскіх ліній. 


У прэс-цэнтры БЧ нагадалі, што ўпершыню паслуга продажу праязных дакументаў праз тэрміналы самаабслугоўвання была ўведзена ў 2012 годзе на станцыі Мінск-Пасажырскі. За першы год работы з іх дапамогай было набыта 44,1 тысячы квіткоў. Штогод сетка прылад самаабслугоўвання павялічвалася, паляпшалася якасць іх работы, укараняліся новыя опцыі, што адбівалася на росце аб’ёмаў продажаў і павышэнні цікавасці пасажыраў да новай тэхналогіі. 

Пераломным момантам стала ўкараненне ў сярэдзіне 2019 года на БЧ тэрміналаў самаабслугоўвання новага тыпу — з магчымасцю прыёму аплаты наяўнымі грашыма і выдачы рэшты, а таксама з выкарыстаннем плацежных картак банкаў рэзідэнтаў і нерэзідэнтаў Рэспублікі Беларусь. На прыладах новага тыпу можна аформіць квіткі на трох мовах — беларускай, рускай і англійскай. 

На працягу 2020 году білеты на цягнікі з ненумераваны месцамі праз тэрміналы самаабслугоўвання набылі 3731,2 тысячы чалавек. Гэта ў два разы больш, чым у мінулым годзе. Тэрміналы для пасажыраў сталі зручнай альтэрнатывай чыгуначным білетным касам. На працягу 2020 года Беларуская чыгунка праводзіла падрыхтоўчую работу па пашырэнню сеткі тэрміналаў самаабслугоўвання. У снежні 2020 года ўстаноўлена 27 новых тэрміналаў, якія ў студзені 2021-га будуць уведзены ў эксплуатацыю. Дзякуючы гэтаму больш шырокія магчымасці афармлення праезду з’явіліся на вакзалах станцый Віцебск, Бабруйск, Баранавічы-Палескія, Асіповічы, Жлобін, Гомель і Пінск. У сапраўдны момант на станцыях і прыпыначных пунктах Беларускай чыгункі ўстаноўлена 188 прылад самаабслугоўвання, у тым ліку 97 тэрміналаў новага тыпу. З улікам бягучай эпідэмічнай сітуацыі Беларуская чыгунка рэкамендуе пасажырам актыўна выкарыстоўваць тэрміналы самаабслугоўвання, а таксама іншыя электронныя каналы продажаў праязных дакументаў. Гэта хутка, зручна і бяспечна.

Сяргей РАСОЛЬКА

Прэв’ю: pvlida.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.