Вялікая колькасць снегу, які выпаў у студзені, па-ранейшаму застаецца ў шэрагу рэгіёнаў Алжыра і Марока. Аб гэтым паведамляе ТАСС са спасылкай на метэаралагічныя службы дзвюх арабскіх дзяржаў. У выніку вялікія тэрыторыі ператварыліся ў прасторы белага колеру з высокімі гурбамі снегу і замёрзлымі азёрамі.
У горных раёнах абедзвюх краін снег выпадае кожны год і звычайна ляжыць у перадгор’ях і на схілах вяршынь усю зіму да пачатку вясны. Аднак у гэтым сезоне ападкі былі асабліва вялікімі.
У Алжыры, як адзначае інфармацыйнае агенцтва Algeria Press Service, снег назіраецца пераважна ў паўночных і паўночна-заходніх правінцыях. Ападкі накрылі не толькі горныя трасы, стварыўшы значныя праблемы з дарожным рухам і дастаўкай тавараў у аддаленыя населеныя пункты рэспублікі. Снег дабраўся і да некаторых участкаў Сахары. Убачыць экзатычныя віды паўночнаафрыканскай зімы — прыцярушаныя барханы і аазісы — прыязджаюць турысты і фатографы. У сувязі з абмежаваннямі, уведзенымі з-за пандэміі каранавіруса, гэта галоўным чынам мясцовыя падарожнікі.
Жыхары суседняга Марока сёлетняй зімой таксама ўбачылі нямала снегу. Асноўны ўдар стыхіі на сябе прынялі горныя раёны Рыфа на поўначы каралеўства, а таксама Сярэдняга і Высокага Атласа. Дзякуючы снегападам прыкметна ажывіліся зімовыя курорты Іфран і Азру, вядомыя і за мяжой.
У мараканскай частцы Сахары снег выпаў у наваколлі папулярнай сярод падарожнікаў вёсачкі Мерзуга на паўднёвым усходзе краіны, стварыўшы на час зімовы пейзаж на участках пясчанага масіву Эрг-Шэбі.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».