Да супрацоўнікаў аддзела па барацьбе з эканамічнымі злачынствамі Маскоўскага РУУС Мінска звярнуўся прадстаўнік адной са сталічных крам з паведамленнем пра тое, што на працягу месяца недалічваецца буйной сумы грошай.
Вывучыўшы запісы з камер відэаназірання і правёўшы шэраг аператыўна-вышуковых мерапрыемстваў, супрацоўнікі міліцыі высветлілі асобу выкрадальніка грашовых сродкаў. Ім аказаўся 24-гадовы адміністратар гэтай жа крамы, які, з’яўляючыся матэрыяльна адказнай асобай, браў грошы сабе. Устаноўлена, што ў канцы працоўнай змены малады чалавек абавязваўся складваць выручку ў сейф для далейшай перадачы інкасацыі. Аднак, грэбуючы сваімі абавязкамі, на працягу трох тыдняў прысвойваў буйныя сумы сабе. Як стала вядома аператыўнікам, атрыманыя грашовыя сродкі хлопец марнаваў на азартныя гульні ў розных установах сталіцы. Па інфармацыі ГУУС Мінгарвыканкама, агульная сума шкоды склала каля 10 000 рублёў.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
