Штам каранавіруса VOC-202012/01, які адрозніваецца высокай заразнасцю, першапачаткова выяўлены ў Вялікабрытаніі, распаўсюдзіўся ўжо ў 60 краінах і раёнах. Гэта на 10 краін і раёнаў больш, чым па стане на 12 студзеня, паведамляе ТАСС са спасылкай на штотыднёвы інфармацыйны эпідэміялагічны бюлетэнь, які Сусветная арганізацыя аховы здароўя (СААЗ) апублікавала сёння ў Жэневе.
«На цяперашні момант з 60 краін, тэрыторый і раёнаў, размешчаных у шасці рэгіёнах СААЗ, паступілі паведамленні аб завезеных выпадках ці ж аб перадачы гэтай разнавіднасці віруса у мясцовых супольнасцях», — указвае арганізацыя. Адзначаецца таксама, што штам каранавіруса, які атрымаў маркіроўку 501Y.V2, інфармацыя пра які першапачаткова паступіла з ПАР, «выяўлены яшчэ ў трох краінах, і іх агульная колькасць дасягнула 23». Гэты вірус прысутнічае ў чатырох з шасці рэгіёнаў СААЗ.
Акрамя таго, за перыяд пасля 12 студзеня ў Бразіліі была выяўленая разнавіднасць каранавіруса, якая атрымала найменне P.1., а таксама зарэгістраваны яшчэ адзін выпадак мутацыі разнавіднасці B.1.1.28. У спецыялістаў, аднак, пакуль няма дастатковай інфармацыі для высновы аб тым, ці з’яўляюцца гэтыя разнавіднасці больш заразнымі і ці працякае захворванне больш цяжка ў выпадку заражэння, канстатавалі ў СААЗ.
Прэв’ю: yandex.com
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
