Вы тут

Жанчыну ў Лідскім раёне збівалі «дзеля вострых адчуванняў», а потым забілі. Расследаванне завершана


Галоўным следчым упраўленнем Следчага камітэта Рэспублікі Беларусь завершана расследаванне крымінальнай справы ў дачыненні да 37-гадовага мужчыны, які абвінавачваецца ў забойстве, пагрозе забойствам і асабліва злосным хуліганстве, паведамілі на сайце СК.


Па дадзеных следства, днём 25 снежня 2019 года, 37-гадовы жыхар Лідскага раёна і яго 49-гадовы сябар, паклікалі да сябе ў госці 42-гадовую жыхарку суседняй вёскі. У доме абвінавачанага на хутары ў Лідскім раёне кампанія распівала спіртное. Падчас распівання гаспадару дома захацелася выпрабаваць новыя адчуванні і ён вырашыў неадкладна задаволіць свае патрэбы. Гэта суправаджалася неаднаразовым ужываннем фізічнага гвалту ў дачыненні да сяльчанкі і сябра, якое выяўлялася ў аплявухах і нанясенні удараў. Акрамя гэтага мужчына пагражаў нажом і нанёс ім два цялесных пашкоджанні знаёмаму. Далей абвінавачваны ўзяў у рукі металічны шуфлік і нанёс жанчыне ўдар па галаве, ад чаго яна страціла прытомнасць і ўжо не магла самастойна супраціўляцца.

Мужчына, які пражываў з абвінавачаным, спалохаўся і прапанаваў выклікаць хуткую, каб аказаць медыцынскую дапамогу пацярпелай. Гаспадар дома разумеў, што супрацоўнікі хуткай дапамогі паведамяць пра гэта ў праваахоўныя органы, а яго таварыш з'яўляецца сведкам таго, што адбылося. Тады ён і вырашыў разабрацца з усім самастойна.

Закладам маўчання суседа мог быць толькі яго саўдзел у злачынстве і страх быць прыцягнутым да адказнасці. Узяўшы ў рукі нож, абвінавачваны пад пагрозай забойства, стаў прымушаць сябра задушыць 42-гадовую жанчыну провадам. Той узяў у рукі провад, але толькі зрабіў выгляд, што душыць яе, не прыкладваючы пры гэтым ніякіх намаганняў. Гаспадар дома зразумеў, што такія дзеянні не прывядуць да патрэбнага выніку і, забраўшы фрагмент дрота, самастойна задушыў ім жанчыну.

З мэтай утойвання слядоў злачынства, абвінавачаны раздзяліў цела жанчыны і некаторыя часткі спаліў у самаробнай печы, а тулава выкінуў у меліярацыйны канал, дзе ў наступным яно і было выяўлена.

Занепакоеныя сваякі і знаёмыя жанчыны звярнуліся ў міліцыю з заявай аб яе знікненні. У ходзе правядзення праверкі супрацоўнікамі міліцыі было ўстаноўлена, што знікненне можа насіць крымінальны характар. У далейшым праваахоўнымі органамі быў затрыманы 49- гадовы ўдзельнік застолля, які распавёў пра здарэнне і паказаў месцазнаходжанне цела. Па падазрэнні ў здзяйсненні злачынства быў затрыманы гаспадар дома, які прызнаўся ў зробленым. Апошні не хаваўся, жыў як раней і нават сам тэлефанаваў ўчастковаму з просьбай ўладкавацца на працу.

Вядома, штоо менавіта гэты мужчына быў судзімы за захоп закладніка і ўгон аўтобуса ў Капыльскім раёне ў 2003 годзе. У момант здзяйснення злачынства перамовы з ім вёў асабіста міністр унутраных спраў, а закладніка ў аўтобусе замяніў сабой пракурор раёна.

Следчымі праведзены агляды месцаў здарэнняў, праверкі паказанняў на месцы, дапытаныя сведкі. Да крымінальнай справы далучаны заключэння больш за 60 экспертыз. Пры правядзенні судова-медыцынскай экспертызы праводзілася эксгумацыя цела жанчыны. Сумесна з супрацоўнікамі міліцыі працягваецца работа па праверцы на дачыненне абвінавачанага да здзяйснення іншых злачынстваў.

Згодна з заключэннем псіхолага-псіхіятрычнай экспертызы ў момант здзяйснення злачынства абвінавачваны мог ўсведамляць фактычны характар ​​сваіх дзеянняў і кіраваць імі.

Мужчыну прад'яўленае абвінавачванне ў здзяйсненні злачынстваў па наступных артыкулах: ч.3 арт.339 (асабліва злоснае хуліганства) Крымінальнага кодэкса; арт.186 (пагроза забойствам) Крымінальнага кодэкса; п.п.2, 8 ч.2 арт.139 (забойства асобы, якая знаходзіцца ў бездапаможным стане з мэтай схаваць іншае злачынства ці аблегчыць яго здзяйсненне) Крымінальнага кодэкса;

Матэрыялы крымінальнай справы перададзеныя пракурору для накіравання ў суд.

Выбар рэдакцыі

Грамадства

Паразуменне падчас капрамонту: праз штрафы ці дамаўленне?

Паразуменне падчас капрамонту: праз штрафы ці дамаўленне?

Культура выканання работ падчас капрамонту ў Беларусі кульгае, а тэхналогія — парушаецца, сведчаць спецыялісты Дзяржбуднагляда.

Грамадства

Заснуць за 60 секунд. ​Што рабіць з бяссонніцай?

Заснуць за 60 секунд. ​Што рабіць з бяссонніцай?

Сон — адна з асноўных патрэб чалавечага арганізма.

Палітыка

Аляксандр Лукашэнка пра Беларусь і Расію: Мы суверэнныя і незалежныя дзяржавы

Аляксандр Лукашэнка пра Беларусь і Расію: Мы суверэнныя і незалежныя дзяржавы

Прэзідэнт Беларусі Аляксандр Лукашэнка правёў нараду па пытаннях беларуска-расійскага супрацоўніцтва ў ваеннай сферы.