У італьянскім горадзе Неапалі паліцыя выявіла ў адной з кватэр у шафе карціну XVI стагоддзя і вярнула яе ў музей. Пры гэтым работнікі ўстановы нават не заўважылі знікнення палатна, перадае Укрінфарм са спасылкай на ВВС.
Як адзначаецца, палатно выявілі ў шафе спальні неапалітанскай кватэры 16 студзеня. 36-гадовы гаспадар кватэры затрыманы па падазрэнні ў захоўванні крадзенага.
Гаворка ідзе пра копіі карціны «Збаўца свету», якая напісана, як лічыцца, адным з вучняў Леанарда да Вінчы ў XVI стагоддзі. Арыгінал, верагодна, належыць пэндзлю самога да Вінчы.
Карціна з’яўляецца часткай калекцыі музея, які дзейнічае пры царкве Сан-Даменіка-Маджорэ. Работнікі ўстановы не ведалі, што карціна была выкрадзена, паколькі пакой, дзе яна захоўвалася, быў зачынены на працягу трох месяцаў з-за пандэміі. Таму калі менавіта быў выкрадзены твор мастацтва, невядома, але ў музеі сцвярджаюць, што ў мінулым годзе ў студзені палатно было ў наяўнасці.
Ніякіх слядоў незаконнага пранікнення ў музеі не знайшлі.
«Верагодна, што гэта быў крадзеж па замове арганізацыі, якая займаецца міжнародным гандлем творамі мастацтва», — адзначылі ў паліцыі.
Арыгінал карціны «Збаўца свету» ў 2017 годзе стаў самым дарагім з калі-небудзь прададзеных палотнаў — на аўкцыёне ў Нью-Ёрку твор купілі за 450 мільёнаў долараў.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
