Вы тут

МАРГ прапануе абмеркаваць праект указа па дзяржзакупках


Міністэрства антыманапольнага рэгулявання і гандлю прапануе абмеркаваць праект указа «Аб удасканаленні парадку ажыццяўлення дзяржаўных закупак». Грамадскае абмеркаванне праходзіць на Прававым форуме Беларусі.


Прапануецца замацаваць паўнамоцтвы Савета Міністраў па зацвярджэнні пераліку тавараў, работ, паслуг, да якіх прымяняецца прэферэнцыйная папраўка, а таксама парадку і ўмоў яе прымянення. Урад таксама атрымае права вызначаць дзяржорганы і арганізацыі, якія будуць па ўзгадненні з МАРГ рыхтаваць тыпавыя патрабаванні да апісання асобных відаў тавараў (работ, паслуг) для абавязковага ўключэння ў каталог дзяржзакупак.

Згодна з праектам указа, Саўмін таксама зможа вызначаць асаблівасці дзяржзакупак асобных відаў прадукцыі, умовы допуску тавараў, работ і паслуг замежнага паходжання і іх пастаўшчыкоў. «Такія меры будуць прымацца ў выключных выпадках у мэтах абароны ўнутранага рынку і падтрымкі айчынных вытворцаў з захаваннем міжнародных абавязацельстваў. Устанаўленне такіх выключэнняў магчыма тэрмінам на два гады. Тэрмін увядзення выключэнняў будзе пазначацца ў рашэнні ўрада», — адзначылі ў МАРГ.

Праект указа таксама замацоўвае права МАРГ вызначаць дадатковыя патрабаванні да формы і зместу прапаноў удзельнікаў працэдур дзяржаўных закупак, парадак і спосабы вызначэння арыенціровачнага кошту прадмета дзяржзакупкі ў мэтах недапушчэння неэфектыўнага расходавання бюджэтных сродкаў.

Акрамя таго, прапануецца выключыць неабходнасць прадастаўлення ўдзельнікам-рэзідэнтам заявы аб адсутнасці завінавачанасці па выплаце падаткаў, збораў (пошлін), пеняў. Заказчык можа праверыць іх адсутнасць на сайце МПЗ. «Такая праверка будзе праводзіцца на апошнюю справаздачную дату, што папярэднічае дню разгляду прапановы ўдзельніка працэдуры дзяржзакупкі. Напрыклад, калі прапанова пададзена ў снежні 2020 года, а адкрыццё і разгляд прапаноў адбыліся 10 студзеня 2021 года, то будзе правярацца адсутнасць завінавачанасці па стане на 1 студзеня 2021-га, а не на 1 лістапада 2020-га, як гэтага патрабуе дзеючая рэдакцыя закона», — растлумачылі ў МАРГ.

Таксама прапанавана ўвесці забарону на ўдзел у закупках афіліраваных асоб у адносінах да іншых удзельнікаў. Выключэнне будзе зроблена для юрыдычных асоб, уласнікамі якіх з’яўляюцца Беларусь або яе адміністрацыйна-тэрытарыяльныя адзінкі, грамадскія аб’яднанні інвалідаў, а таксама юрыдычных асоб, якія з’яўляюцца ўдзельнікамі аднаго дзяржаўнага аб’яднання, холдынга.

Свае заўвагі і прапановы можна выказаць у спецыяльнай тэме на Прававым форуме Беларусі да 30 студзеня.

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.