Вы тут

Дзмітрый Піневіч наведаў «чырвоную» зону ў Рагачоўскай бальніцы


Міністр аховы здароўя Дзмітрый Піневіч наведаў «чырвоную» зону ў Рагачоўскай бальніцы, што на Гомельшчыне, і будоўлю новых карпусоў у Магілёве. Падчас сустрэчы з калектывам Рагачоўскай цэнтральнай раённай бальніцы міністр расказаў пра планы па развіцці сістэмы аховы здароўя і адказаў на пытанні медыкаў.


Мяркуецца, што ў найбліжэйшыя гады ў бальніцы запрацуе свой камп'ютарны тамограф. Месца для яго ўстаноўкі ўжо вызначана. А перад запускам спецыялісты атрымаюць магчымасць прайсці навучанне. Адзін з работнікаў службы хуткай дапамогі падняў пытанне аб аднаўленні работы медыцынскіх выцвярэзнікаў. Такая практыка абмяркоўваецца апошнім часам як у Расіі, так і ў Беларусі.

Не пакінуў без увагі Дзмітрый Піневіч і пытанні, звязаныя з рамонтам будынкаў, умовамі працы медыкаў падчас COVІD-19, таксама былі абмеркаваны праблемы дааснашчэння рэанімацый і аперацыйных новай высокатэхналагічнай апаратурай.

Змяніўшы пінжак на касцюм індывідуальнай аховы, Дзмітрый Піневіч прайшоў у «чырвоную» зону, дзе паразмаўляў з медыкамі і пацыентамі. Апошнія таксама выказалі пажаданне стварэння пры бальніцы цэнтра з камп'ютарным тамографам. «Мы разумеем, што жывём у стагоддзе інфекцыйных эпідэмій, і свой КТ на раён быў бы вельмі запатрабаваны», — сказаў міністру адзін з пацыентаў, які трэці тыдзень праходзіць лячэнне не толькі ад каранавіруса, але і ад сваіх хранічных захворванняў. Таксама міністр абмяркоўваў з медыкамі выкладванне пацыентаў у прон-пазіцыю (на жывот), фінансаванне перапрафіляваных аддзяленняў, наяўнасць сродкаў аховы і лекаў, аплату працы і іншыя пытанні.

У Магілёве Дзмітрый Піневіч пабываў у трох медустановах. У мясцовым анкадыспансеры вядуцца актыўныя будаўнічыя работы — узводзіцца радыялагічны корпус. Высокатэхналагічнае абсталяванне будзе пастаўлена сюды за кошт рэспубліканскага бюджэту. Наведаў міністр і бальніцу хуткай дапамогі, дзе прапанавана пабудаваць новы корпус экстраннай цэрэбракардыяваскулярнай хірургіі. Тут змогуць лячыць неадкладныя станы ў нейрахірургіі, неўралогіі і кардыялогіі.

Азнаёміўся міністр і з будаўніцтвам на тэрыторыі абласной клінічнай бальніцы. Тут узводзіцца кардыяхірургічны корпус. Па даручэнні кіраўніка дзяржавы, Міністэрства аховы здароўя мусіць дааснасціць корпус высокатэхналагічным абсталяваннем. Як праінфармаваў міністра начальнік упраўлення аховы здароўя Магілёўскай вобласці Аляксандр Старавойтаў, на тэрыторыі бальніцы прапануецца пачаць будаўніцтва і кардыятэрапеўтычнага корпуса з дыспансерным аддзяленнем.

Алена КРАВЕЦ

Загаловак у газеце: З «чырвонай» зоны на будпляцоўкі

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.