Вы тут

Кіраўнікі аграгаспадарак Магілёўскага раёна сустрэліся з будучымі выпускнікамі Магілёўскага прафесійнага агралесатэхнічнага каледжа імя. К. П. Арлоўскага


Сёння кіраўнікі аграгаспадарак Магілёўскага раёна сустрэліся з будучымі выпускнікамі Магілёўскага прафесійнага агралесатэхнічнага каледжа імя. К. П. Арлоўскага. 
Разам з прадстаўнікамі раённай улады і кіраўніцтвам вучэбнай установы яны абмеркавалі пытанні ўкамплектавання іх прадпрыемстваў будучымі трактарыстамі-машыністымі, якія сёлета заканчваюць каледж. Размова ішла таксама пра правы і гарантыі, прадугледжаныя дзяржавай для маладых спецыялістаў пры працаўладкаванні іх на першым працоўным месцы.


— Праблема працаўладкавання навучэнцаў стаіць сёння вельмі востра, — падкрэсліў актуальнасць сустрэчы дырэктар сярэдне-спецыяльнай установы Георгій Маліноўскі. — Напрыклад, у той жа Германіі будучы механізатар, умоўна кажучы, два дні вучыцца, чатыры — стажыруецца. За ім замацаваны майстар вытворчага навучання з педагагічнай адукацыяй, зарплату якому плаціць прадпрыемства. Такі навучэнец з першага дня выпуску гатовы працаваць на самых сур’ёзных участках. У нас жа некаторыя гаспадаркі нават на практыцы не заўсёды дадуць трактарам пакарыстацца. Мы на гэта ўказвалі нашым патэнцыйным наймальнікам. А яшчэ прызвалі паўдзельнічаць у камплектаванні навучальнай ўстановы. Мы рыхтуем спецыялістаў, а працадаўца дзесьці з боку назірае, каб потым забраць гатовага работніка. Ды яшчэ не заўсёды заплаціць яму, як трэба. Каб была якасць кадраў, трэба працаваць са сваімі школамі і накіраваць да нас вучняў з дынастыяў. Такія людзі абавязкова вернуцца ў гаспадарку. А калі ў вёску прыехала маладая сям’я, дзе жонка, напрыклад, ветэрынар, а ў сужэнца прафесіі няма, мы таксама гатовы дапамагчы. За некалькі месяцаў навучым хлопца працаваць на энерганасычаным трактары або камбайне.

Гасцей азнаёмілі з матэрыяльна-тэхнічнай базай ўстановы, правялі экскурсію па ваенна-гістарычнай экспазіцыі, прысвечанай вызваленню Магілёва ў 1944 годзе. Каледж не толькі рыхтуе спецыялістаў рабочых прафесій, але яшчэ сур’ёзна займаецца патрыятычным выхаваннем.

Нэлі ЗІГУЛЯ

Выбар рэдакцыі

Грамадства

Даведаліся, колькі каштуе букет на 8 Сакавіка

Даведаліся, колькі каштуе букет на 8 Сакавіка

Ці прынята ў нас дарыць «мільён алых руж» каханай?

Грамадства

Настрой цудоўнай і лёгкай вясны стварылі ў гандлёвым цэнтры «Сталіца»

Настрой цудоўнай і лёгкай вясны стварылі ў гандлёвым цэнтры «Сталіца»

Напярэдадні Міжнарожнага жаночага дня Белаларускі саюз жанчын і канцэрн «Беллегпрам» правялі святочнае мерапрыемства «Настрой — Вясна».

У свеце

Каменданцкія часы. Чым падаграецца глабальная пратэсная хваля?

Каменданцкія часы. Чым падаграецца глабальная пратэсная хваля?

Людзі стаміліся ад лакдаўну і беспрацоўя і выходзяць на пратэсты, а надзея перамагчы пандэмію ўсеагульнай вакцынацыяй, падобна, растае на вачах: прэпараты па-ранейшаму недаступныя ўсім ахвотным і ў найбліжэйшы час сітуацыя наўрад ці зменіцца.

Грамадства

«Тут быў...» Што пісалі пяцьсот гадоў таму на сценах і камянях

«Тут быў...» Што пісалі пяцьсот гадоў таму на сценах і камянях

Іна Калечыц — першы і пакуль адзіны спецыяліст у Беларусі, які займаецца эпіграфікай.