Вы тут

Зацверджаны будаўнічыя нормы для асвятлення і вышынных будынкаў


Новыя будаўнічыя нормы зацверджаны ў Беларусі. Гэта прадугледжана дзвюма пастановамі Міністэрства архітэктуры і будаўніцтва, якія сёння афіцыйна апублікаваныя на Нацыянальным прававым інтэрнэт-партале, паведамляе БЕЛТА.


Пастановай № 70 ад 30 кастрычніка 2020 года зацверджаны будаўнічыя нормы «Натуральнае і штучнае асвятленне». Гэтыя нормы ўстанаўліваюць патрабаванні да праектавання натуральнага і штучнага асвятлення памяшканняў будуемых і рэканструемых дамоў і збудаванняў рознага прызначэння, месцаў вытворчасці прац па-за будынкамі, пляцовак прамысловых і сельскагаспадарчых прадпрыемстваў, чыгуначных пуцей на прадпрыемствах, а таксама вонкавага асвятлення гарадоў, пасёлкаў гарадскога тыпу і сельскіх населеных пунктаў.

Яны распаўсюджваюцца на праектаванне прылад мясцовага асвятлення, якія пастаўляюцца камплектна са станкамі, машынамі і вытворчай мэбляй, і не распаўсюджваюцца на праектаванне асвятлення падземных выпрацовак, рачных партоў, аэрадромаў, чыгуначных станцый і пуцей на іх, спартыўных збудаванняў, памяшканняў для захоўвання сельгаспрадукцыі, размяшчэння раслін, жывёл, птушак, а таксама на праектаванне спецыяльнага тэхналагічнага і ахоўнага асвятлення пры выкарыстанні тэхнічных сродкаў аховы.

Другой апублікаванай сёння пастановай Мінбудархітэктуры ад 13 лiстапада 2020 года № 85 зацверджаны стройнормы «Вышынныя будынкі». Яны распаўсюджваюцца на будуемыя і рэканструюемыя вышынныя жылыя і грамадскія дамы і ўстанаўліваюць патрабаванні да іх праектавання.

Будаўнічыя нормы распрацаваны РУП «Будтэхнорм» і ўнесены галоўным кіраваннем горадабудаўніцтва, праектнай, навукова-тэхнічнай і інавацыйнай палітыкі Мінбудархітэктуры.

Нормы будуць уведзены ў дзеянне праз 60 каляндарных дзён пасля іх афіцыйнага апублікавання.

Прэв’ю: hit.by

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.