Вы тут

Сетка Malanka і выратавальны атрад «Анёл» запрашаюць прыняць удзел у дабрачынным злёце электракараў


Электрычныя заправачныя станцыі (ЭЗС) і супольнасць электрамабілістаў Беларусі ўпершыню правядуць дабрачынны злёт, які адбудзецца 23 студзеня. У злёце возьмуць удзел некалькі электрамабіляў кампаніі Green Cars, таксама арганізатары запрашаюць узяць удзел усіх кіроўцаў, у каго ўжо ёсць электракар і тых, хто цікавіцца экалагічным транспартам.


Месца збору электрамабілістаў у Мінску — Дуніна-Марцінкевіча 2/1. Тут знаходзіцца база пошукава-выратавальнага атрада «Анёл». Удзельнікаў просяць зарэгістравацца загадзя і не забыцца ўключыць блізкае святло фар, каб пазначыць свой удзел у злёце.

«Уключаныя фары — гэта спосаб арганізатараў звярнуць увагу на тое, што пошукава-выратавальны атрад „Анёл“ мае патрэбу ў валанцёрах, якія шукаюць зніклых людзей, і тым самым даюць надзею і святло родным зніклага чалавека», — тлумачаць арганізатары злёту.

Пачнецца мерапрыемства ў 11:00. «Анёлы» раскажуць пра тое, колькі чалавек знойдзена сіламі атрада за час яго існавання, а таксама, як самому стаць валанцёрам. Прадстаўнікі «Беларуснафты» перададуць атраду сертыфікат на паліва, неабходнае для запраўкі аўтамабіляў, а таксама дадуць магчымасць зараджаць электрамабілі валанцёраў бясплатна на працягу месяца. Акрамя таго, усе жадаючыя змогуць пералічыць грошы на закупку ліхтароў для пошукава-выратавальнага атрада «Анёл», якія вельмі патрэбныя для пошуку зніклых людзей у цёмны час сутак.

«Нам даводзіцца шукаць у лесе людзей часцей за ўсё летам і восенню, калі грыбны сезон у разгары. Увосень цямнее рана, тэмпература апускаецца ніжэй за нуль і чалавек рызыкуе атрымаць пераахаладжэнне, таму пошукі да раніцы адкласці нельга, тады ліхтары вельмі выбаўляюць валанцёраў. Аўтадапамога таксама неабходная „анёлам“, і тады, калі трэба шукаць людзей за сотні кіламетраў ад горада, і ў горадзе, калі трэба праехаць не адзін дзясятак кіламетраў у пошуках зніклага чалавека», — распавёў Сяргей Коган, арганізатар і кіраўнік пошукава-выратавальнага атрада «Анёл».

«Мы ўпершыню праводзім злёт электрамабілістаў. У 2020 годзе ў Беларусі было зарэгістравана 1600 электракараў і з’явілася цэлая супольнасць ініцыятыўных электрамабілістаў. Паводле прагнозаў Malanka да канца 2021 года ў Беларусі будзе больш за 10 000 тысяч электракараў, і мы верым у тое, што наша супольнасць будзе расці і папаўняцца новымі ўдзельнікамі, а значыць і злёты электрамабілістаў могуць стаць добрай традыцыяй», — падкрэсліў прадстаўнік Malanka.

Сяргей КУРКАЧ

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.