Адкрыты Кубак Беларусі па сучасным пяцібор’і (мужчыны, жанчыны) пройдзе ў Гомелі з 29 па 31 студзеня, паведамілі БЕЛТА ў Гомельскім абласным цэнтры алімпійскага рэзерву па прыкладных відах спорту.
За ўзнагароды пазмагаюцца спартсмены Мінскай, Гомельскай і Магілёўскай абласцей, а таксама прадстаўнікі РЦАП па водных відах спорту і СДЮШАР Мінска.
Спаборніцтвы пройдуць на трох пляцоўках: у спартыўным комплексе па вул. Партовай (фехтаванне, плаванне), Гомельскім АЦАР па лёгкай атлетыцы (камбінаваны від) і Гомельскім АЦАР па прыкладных відах спорту (верхавая язда).
«Па выніках спаборніцтваў будуць размеркаваны ачкі ў рэспубліканскі рэйтынг для далейшага адбору на міжнародныя спаборніцтвы», — адзначылі ў абласным цэнтры алімпійскага рэзерву па прыкладных відах спорту.
Кубак праводзіцца для развіцця і папулярызацыі сучаснага пяціборства, стымулявання росту спартыўных дасягненняў, павышэння спартмайстэрства.
Арганізатарамі спаборніцтваў выступаюць Міністэрства спорту і турызму, кіраванне спорту і турызму Гомельскага аблвыканкама.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».