Вы тут

У Беларусі зарэгістравалі ўласную пароду кароў


У Беларусі зарэгістравалі новую пароду кароў белгалшцін айчыннай селекцыі, паведаміў сёння на прэс-канферэнцыі старшыня Прэзідыума Нацыянальнай акадэміі навук Уладзімір Гусакоў, перадае БЕЛТА.


«Створана новая парода малочнай жывёлы айчыннай селекцыі — белгалшцін, якая налічвае 1 млн галоў. У снежні яна была зарэгістравана. Патэнцыял прадукцыйнасці — на ўзроўні 12 т малака на адну жывёлу з колькасцю тлушчу 3,6 працэнта, бялку — 3,2 працэнта. Спецыялісты ведаюць, што гэта вельмі добрыя паказчыкі», — сказаў Уладзімір Гусакоў.

Ён падкрэсліў, што Акадэмія навук — значны даследчы цэнтр, які развіваецца па тыпу навукова-вытворчай карпарацыі. Практычна кожная акадэмічная арганізацыя мае вытворчыя кропкі росту — участкі, якія выпускаюць запатрабаваную прадукцыю. Напрыклад, прадпрыемства «Акадэмфарм» і НВЦ «ХімФармСінтэз» Інстытута біяарганічнай хіміі НАН выпускаюць лякарствы, неабходныя для лячэння розных захворванняў. Для прафілактыкі і пераадолення наступстваў COVID-19 у НАН распрацаваны і вырабляюцца антысептычныя сродкі, фільтрацыйныя матэрыялы для рэспіратараў і ачысткі паветра, тэст-сістэмы па выяўленні антыцел, наборы рэагентаў для біяхімічных даследаванняў ДНК, панэлі для аналізу каранавіруснай РНК. Распрацаваны і сертыфікаваны апарат ультрафіялетавага экстракарпаральнага апрамянення крыві.

Акрамя таго, у Акадэміі навук уведзены ў эксплуатацыю сучасныя вылічальныя магутнасці, нацэленыя на распрацоўку і практычнае выкарыстанне штучнага інтэлекту. У прыватнасці, вядуцца работы па праграмным забеспячэнні дзяржаўнай медыцынскай інфармацыйнай сістэмы з функцыямі падтрымкі прыняцця рашэнняў урачоў на аснове сродкаў штучнага інтэлекту для ўстаноў аховы здароўя стацыянарнага тыпу («Клініка+»).

У галіновай лабараторыі электронна-прамянёвых і адытыўных тэхналогій Фізіка-тэхнічнага інстытута НАН адкрыты ўчастак лазернай апрацоўкі матэрыялаў. На ім выконваюцца работы ў інтарэсах машынабудаўнічых прадпрыемстваў («Гомсельмаш», Мінскі завод шасцерняў, МТЗ). Рэсурс апрацаваных вырабаў павялічваецца ў 2-3 разы.

Уладзімір Гусакоў таксама адзначыў, што вучоныя забяспечваюць навуковае суправаджэнне будаўніцтва і эксплуатацыі АЭС, развіваюць біятэхналагічны напрамак. Інстытут генетыкі і цыталогіі НАН аказвае тысячы паслуг па тэсціраванні ДНК чалавека, жывёл і раслін.

Беларускія вучоныя актыўна супрацоўнічаюць са сваімі замежнымі калегамі больш як з 90 краін. У НАН Беларусі створаны і функцыянуюць 43 сумесныя лабараторыі з арганізацыямі Расіі, Кітая, В’етнама і іншых дзяржаў.

Прэв’ю: milkua.info

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.