Рэспубліканскі штаб студэнцкіх атрадаў БРСМ даў старт новаму патрыятычнаму працоўнаму праекту «Зімовы маршрут», мерапрыемствы якога будуць рэалізаваны ў перыяд студэнцкіх зімовых канікул.
Удзельнікамі праекта сталі зводныя студэнцкія атрады, байцы якіх правядуць у малых гарадах і пасёлках Гродзенскай, Віцебскай і Магілёўскай абласцей шэраг прафарыентацыйных інтэрактываў, тэматычных заняткаў, канцэртных і сацыяльна значных праграм. Для арганізацыі інтэрактыўных гульняў з вучнямі пачатковай школы распрацавана серыя патрыятычных пазлаў, якія папулярызуюць сімвалы незалежнай Беларусі — Дзяржаўны герб і Дзяржаўны сцяг, а таксама размалёўкі «Беларусь памятае».
Падчас руху атрадаў зімовага маршруту байцы дапамагаюць у расчыстцы ад снегу помнікаў і абеліскаў, а таксама аказваюць адрасную шэфскую дапамогу па гаспадарцы ветэранам і ўдзельнікам Вялікай Айчыннай вайны, адзінокім пажылым людзям.
Афіцыйны старт «Зімоваму маршруту» даў атрад «Азімыя» ў Гродне на базе сярэдняй школы № 5. Ён сфарміраваны з ліку студэнтаў Гродзенскага дзяржаўнага аграрнага ўніверсітэта. Яго байцы падрыхтавалі для школьнікаў займальную канцэртную праграму, арганізавалі інтэрактыўныя пляцоўкі аб дзейнасці БРСМ і беларускіх студэнцкіх атрадаў, тэматычныя фотазоны. Добры настрой і ўсмешкі дзецям дорыць танцавальны флэшмоб.
Пасля на «Зімовы маршрут» выйшлі атрады «Першы крок» (Віцебская вобласць) і «Ззянне» (Магілёўская вобласць).
Усяго атрады зімовага маршруту пераадолеюць 1662 кіламетры дарогі.
Сяргей РАСОЛЬКА
Прэв’ю: vogazeta.ru
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».