Вы тут

Зэльвеншчына. Ці чакае раён расфарміраванне?


Прамую лінію праводзіў старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар ЛІСКОВІЧ. У гэты дзень ён таксама правёў у райцэнтры асабісты прыём грамадзян, прыняў удзел у пасяджэнні райвыканкама і ў межах «Школы актыўнага грамадзяніна. ШАГ» пагутарыў з моладдзю.


На асабісты прыём да сенатара прыйшла жыхарка райцэнтра Алена Коўш, якая падзякавала сенатару за садзейнічанне ў эндапратэзаванні ў адной з клінік абласнога цэнтра. Яна паведаміла, што спецыялісты аказалі ёй прафесійную дапамогу на найвышэйшым узроўні. Акрамя таго, жанчына прасіла парламентарыя дапамагчы ў вырашэнні асабістай праблемы.

На прамую лінію патэлефанаваў мясцовы жыхар, які пацікавіўся будучым Зельвенскага раёна: маўляў, ці чакае яго расфарміраванне?

— Хвалявацца не трэба. Прэзідэнт дакладна сказаў, што ніякага тэрытарыяльнага перадзелу на Гродзеншчыне не будзе. Нават сельсаветы ва ўсіх раёнах у найбліжэйшай будучыні захаваюць свае ранейшыя межы, — прыводзіць словы старшыні Пастаяннай камісіі раённая газета «Праца».

Што датычыцца пасяджэння райвыканкама, прысутныя на ім абмеркавалі рэалізацыю Дырэктывы № 2 «Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва».

А на сустрэчы з моладдзю ў рамках праекта «ШАГ» адбыўся сапраўдны дыялог пакаленняў. Напярэдадні Дня беларускай навукі старшыня профільнай камісіі абмяркоўваў з гімназістамі тэму навуковых рэалій нашай краіны і будучых перспектыў.

Дарэчы, Віктар Лісковіч мае непасрэднае дачыненне да навуковай дзейнасці: ён уладальнік чатырох патэнтаў на вынаходніцтвы, з'яўляецца аўтарам больш чым 350 навуковых работ і публікацый.

Навучэнцы, са свайго боку, не маглі не азнаёміць госця са школьным праектам «ZNOVA», які дае магчымасць ствараць біяраскладальную паперу з трыснягу.

Вольга АЛЯКСАНДРАВА

Прэв’ю: slova.by

Выбар рэдакцыі

Культура

Валянціна Еранькова: «У маёй прафесіі ўсё магчыма, але недапушчальна абыякавасць»

Валянціна Еранькова: «У маёй прафесіі ўсё магчыма, але недапушчальна абыякавасць»

Валянціна Еранькова належыць да тых творцаў, што імкнуцца гаварыць пра важныя і жыццесцвярджальныя рэчы.

Калейдаскоп

Спосабы, якія палепшаць паводзіны вашага дзіцяці. Адказвае псіхолаг

Спосабы, якія палепшаць паводзіны вашага дзіцяці. Адказвае псіхолаг

Вам здаецца, што ваша дзіця ігнаруе вашыя просьбы і звароты да яго? 

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. На гэтым тыдні поспех гарантаваны вам, але толькі калі не будзеце ленавацца і ўвесь час адкладаць справы на заўтра.

Грамадства

«Пухнацікі» ў горадзе

«Пухнацікі» ў горадзе

На вуліцах і ў крамах з'явіўся навагодні антураж.