Вы тут

Асноўную ўвагу беларускія навукоўцы будуць аддаваць шасці прыярытэтным напрамкам


У найбліжэйшыя гады асноўную ўвагу беларускія навукоўцы будуць аддаваць шасці прыярытэтным напрамкам, сярод якіх лічбавыя інфармацыйныя тэхналогіі, медыка-біялагічныя распрацоўкі (хімічныя, мікрабіялагічныя, фармацэўтычныя, генетычныя), энергетыка і рацыянальнае прыродакарыстанне, машынабудаванне (у тым ліку прыборабудаванне і інавацыйныя матэрыялы), аграпрамысловыя і харчовыя тэхналогіі і бяспека чалавека і дзяржавы.


Фота: Wikimedia

— Усе вынікі, атрыманыя акадэмічнымі вучонымі, маюць высокую практычную значнасць. Навука цесным чынам інтэграваная ў беларускую эканоміку, працуючы з усімі без выключэння буйнымі вытворцамі, — паведаміў журналістам старшыня Прэзідыума Нацыянальнай акадэміі навук Уладзімір ГУСАКОЎ. — Мы не толькі прадуцыруем новыя ідэі і распрацоўваем эксперыментальныя ўзоры, але на кааперацыі з галінамі і прадпрыемствамі творча і эфектыўна мадэрнізуем тэхналагічныя працэсы, інтэлектуальна забяспечваючы серыйнае асваенне.

Летась па выніках выканання праектаў Дзяржаўнай праграмы інавацыйнага развіцця Рэспублікі Беларусь, на базе НАН было створана дзевяць новых вытворчасцяў, якія выпускалі запатрабаваную ў краіне і за мяжой прадукцыю: паўправадніковыя генератары, аптычныя кампаненты і лазерныя сістэмы з дыёднай напампоўкай новага пакалення, кампазітныя матэрыялы для 3D друку; абсталяванне для іонна-плазменнай цэментацыі, аўтаматызаваны модуль для ўзбагачэння мінеральнай сыравіны, мікраўгнаенні таргетнага і пралангаванага дзеяння, комплекс для мікракланальнага размнажэння гаспадарча карысных раслін; ферменты для сінтэзу лекавых субстанцый і атрымання найноўшых дыягностыкумаў. А ўсяго ў НАН створана ўжо больш як 100 вытворчасцяў.

Як адзначыў Уладзімір Гусакоў, акадэмія ўдзельнічае ў буйных сістэмных праектах, якія ствараюць аснову мадэрнізаванай, ці, як цяпер прынята казаць, неаіндустрыяльнай эканомікі: гэта атамная энергетыка, аэракасмічная і біятэхналагічная галіны, фармацэўтыка, ІT-сфера, электратранспарт, асваенне палярных раёнаў Зямлі і іншыя.

Акадэмія навук уяўляе буйны даследчы цэнтр, які развіваецца па тыпе навукова-вытворчай карпарацыі. Практычна кожная акадэмічная арганізацыя мае вытворчыя «пункты росту» — участкі, якія выпускаюць запатрабаваную прадукцыю.

— Напрыклад, прадпрыемствам «Акадэмфарм» выпускаецца супрацьвірусны прэпарат так званай залатой лініі — «Флустоп», у 2020 годзе асвоены выпуск прэпарату антытрамбознага дзеяння — «Рываксан». Яго імпартны аналаг каштуе ад 400 да 500 рублёў за ўпакоўку, а наш прэпарат каштуе 140 рублёў, — паведаміў Уладзімір Гусакоў. — Навукова-вытворчым цэнтрам «Хімфармсінтэз» Інстытута біяарганічнай хіміі выпушчаны і рэалізаваны высокаэфектыўныя супрацьпухлінныя лекі дзесяці найменняў (на суму каля 6,5 млн рублёў).

Першы намеснік старшыні Дзяржаўнага камітэта па навуцы і тэхналогіях Андрэй КАСОЎСКІ расказаў, што цяпер ва ўрадзе разглядаецца пералік дзяржаўных навукова-тэхнічных праграм на 2021—2025 гады. У рамках іх рэалізацыі плануецца стварыць больш як дзве тысячы навінак, у тым ліку эксперыментальны ўзор грузавога электрамабіля, пнеўматычную сеялку з шырынёй захопу 12 м, праграмна-апаратны комплекс «Нацыянальная SMART-платформа для аўтаматызаванай сістэмы збору і верыфікацыі даных сродкаў уліку вады, газу і энергарэсурсаў».

Таксама ў планах — распрацоўка высокапрадукцыйнага генератара выяў з прымяненнем тэхналогіі прасторава-светлавой мадуляцыі, тэхналогіі вытворчасці фармацэўтычнай субстанцыі на аснове цыклапептыдаў, гатовай формы лекавага сродку для лячэння раку лёгкіх, метаду хірургічнага лячэння пры захворваннях і пашкоджаннях пазваночніка з прымяненнем новых палімерна-кампазіцыйных імплантатаў. На аснове інавацый, распрацаваных па заданнях праграм, уключаных у праект пераліку, плануецца выпусціць прадукцыі не менш як на 3,5 млрд рублёў і пятую яе частку паставіць на экспарт.

Надзея НІКАЛАЕВА

Загаловак у газеце: Падмурак для неаіндустрыяльнай эканомікі

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.