Каманда 13-й Беларускай антарктычнай экспедыцыі, якая знаходзіцца зараз на ледзяным кантыненце, павіншавала калег з прафесійным святам — Днём навукі.
«Паважаныя калегі, дарагія сябры! Рэспубліцы Беларусь, калектыву Нацыянальнай акадэміі навук, навуковым арганізацыям нашай краіны ёсць чым ганарыцца — навуковыя работы, адкрыцці і прарыўныя тэхналогіі беларускіх вучоных шырока вядомыя ва ўсім свеце, а імёны сотняў ураджэнцаў Беларусі ўпісаны ў гісторыю сусветнага навуковага прагрэсу! — падкрэсліваецца ў звароце. — Навуковая супольнасць Рэспублікі Беларусь з’яўляецца магутнай рухаючай сілай, якая стварае надзейны падмурак для дынамічнага развіцця і росквіту нашай краіны.
Жадаем вам моцнага палярнага здароўя, міру і дабрабыту, увасаблення ў жыццё новых навуковых ідэй і адкрыццяў у інтарэсах нашай краіны і сусветнага навуковага прагрэсу!»
Каманда 13-й БАЭ: Аляксей Гайдашоў, Уладзімір Несцяровіч, Леанід Нікіцюк, Уладзіслаў Базылевіч, Павел Растоў, Павел Шаблыка, Сяргей Лэты, Ягор Корзун, Сяргей Зубрыцкі, Мікалай Зінькевіч.
Надзея НІКАЛАЕВА
Фота: НАН
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».