Вы тут

У выдавецтве «Беларусь» выйшаў альбом «Уладзімір Тоўсцік»


Выдавецтва «Беларусь» працягвае кніжную серыю «Палац мастацтва». Навінка — альбом «Уладзімір Тоўсцік». 


 

Заснаваная ў 2019 годзе серыя мастацкіх альбомаў, дзе галоўнае месца займаюць рэпрадукцыі мастацкіх работ, мае сваёй мэтай падрабязны расповед пра творчасць таго ці іншага майстра выяўленчага мастацтва. «Вывучэнне творчасці Уладзіміра Тоўсціка пераконвае ў тым, што ён сфарміраваўся адразу як „велічыня пастаянная“ са сваім сталым жанравым рэпертуарам, іканаграфіяй і характэрнай мастацкай мовай, — піша пра свайго героя мастацтвазнаўца Кацярына Ізафатава ў артыкуле „У люстэрку мастацтва і гісторыі“, якім адкрываецца альбом. — Можна ўмоўна вылучыць два перыяды творчасці мастака — да 1990-х гг. і пасля, адрозненне якіх праяўляецца не ў змене ідэйных установак, стылістычных формаў і метадаў жывапіснага выказвання, а галоўным чынам у змяненні якасці і функцыі колеравай палітры. Прыглушаная гама 1980-х гг. змяняецца яркім і інтэнсіўным каларытам, сама ж праблематыка, што ўсё ў новых і новых варыянтах увасабляецца на палотнах мастака, застаецца нязменнай і сёння, аб’ядноўваючы творы майстра розных перыядаў. 

З пэўнай паўтаральнасцю ў мастацтве Тоўсціка сустракаюцца працы, якія ствараюць касцяк характэрных тэм і матываў: „партрэты-карціны“, „гістарычныя легенды“ і „жаночы таямнічы свет“, што і абумовіла структуру альбома. Мудрагеліста пераплятаючыся, гэтыя змешаныя сюжэтныя ўтварэнні фарміруюць агульны іншасказальны жанр жывапісца, працяты гістарычнай рэфлексіяй». 

Першы раздзел — «Міфалогія гісторыі» — адкрывае захопленасць Уладзіміра Тоўсціка гістарычнай праблематыкай. Яшчэ ў 1986 годзе мастак стварыў «партрэт-карціну» «Памяці Уладзіміра Караткевіча». Толькі што пайшоў з жыцця класік беларускай літаратуры, аўтар неўміручых раманаў і аповесцяў. Уладзімір Сямёнавіч стаіць ля храма. Яго фігуру ў касцюме, белай кашулі асвятляе бялюткі снег. Да пісьменніка імчацца ваяры-коннікі. А на першым плане — жанчыны ля старадаўняга калодзежа... Да караткевічаўскай тэмы мастак вернецца і ў 1992-м — у працы «Ладдзя роспачы», і яшчэ праз тры дзесяцігоддзі — у трыпціху «Ладдзя Часу» (2006). 

Уладзімір Тоўсцік выбірае няпростыя шляхі, дзіўным чынам спалучаючы ў маштабе аднаго палотнішча і імкненне прачытаць той ці іншы гістарычны лёс, і спалучыць розныя часіны, праз вобразы-метафары выбудаваць мост паміж учора і сёння, мост да заўтрашніх здзяйсненняў нацыянальна свядомага сучасніка. «Перакрыжаванне часу і прасторы, рэальных персанажаў, — піша Кацярына Ізафатава, — дзеючых асоб і тых, хто адышоў у іншы свет, — усё гэта вызначае і характэрнае гучанне апошняй серыі партрэтных работ мастака „Блізкі позірк“, дзе ён адлюстраваў сваіх блізкіх па цэху сяброў і калег. Усе партрэтаваныя „выяўляюцца“ ў выразна персаніфікаванай атмасферы, знаходзяцца ва ўласнай „духоўнай“ прасторы, а метафарычнасць дадатковых дэталяў адсылае да метафізікі іх уласнай творчасці...» Угледзьцеся ў працы Уладзіміра Тоўсціка, прысвечаныя Гаўрыілу Вашчанку, Уладзіміру Кожуху, Уладзіміру Басалыгу, Мікалаю Селешчуку, Валерыю Даўгалу, Юрыю Гаўрыну, Георгію Скрыпнічэнку — і вы пераканаецеся ў гэтым. 

Мікола БЕРЛЕЖ

Загаловак у газеце: Мастацкая мова гісторыі

Выбар рэдакцыі

Грамадства

Які хлеб любяць у Беларусі?

Які хлеб любяць у Беларусі?

У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.

Грамадства

Дыхаць на поўныя грудзі. Міфы і праўда аб мамапластыцы

Дыхаць на поўныя грудзі. Міфы і праўда аб мамапластыцы

Прадстаўніцам прыгожага полу заўсёды хочацца нешта змяніць у сваёй знешнасці. І часам жанчыны рашаюцца на кардынальныя крокі.

Культура

Арганізатар імпрэз Дзіяна Краснашапка: Сёння людзі знаходзяцца ў сваіх коканах, але ж для таго і існуюць танцы ды спевы, каб здымаць стрэс, негатыў

Арганізатар імпрэз Дзіяна Краснашапка: Сёння людзі знаходзяцца ў сваіх коканах, але ж для таго і існуюць танцы ды спевы, каб здымаць стрэс, негатыў

Яна ўпэўнена сябе адчувае і ў нацыянальным строі, калі робіць цеста для вясельнага каравая, і ў блакітным футры Снягуркі, калі праводзіць ранішнік для дзетак, і ў шыкоўнай сукенцы пэўнай эпохі, калі выконвае аўтэнтычныя беларускія спевы пад гукі старажытных музычных інструментаў.

Грамадства

Паразуменне падчас капрамонту: праз штрафы ці дамаўленне?

Паразуменне падчас капрамонту: праз штрафы ці дамаўленне?

Культура выканання работ падчас капрамонту ў Беларусі кульгае, а тэхналогія — парушаецца, сведчаць спецыялісты Дзяржбуднагляда.