Вы тут

Дайджэст алімпійскіх навін


Алімпійскі рух за сотні гадоў свайго існавання прызвычаіўся да розных выпрабаванняў. Таму, нягледзячы на пандэмію каранавіруса і многія сусветныя праблемы, свет рыхтуецца да Алімпійскіх гульняў. Падрыхтоўка да алімпіяды 2021 года ў Токіа выйшла на фінішную прамую, у самым разгары і падрыхтоўка да зімовых гульнях 2022 году ў Пекіне. З’яўляецца ўсё больш навін, прысвечаных Алімпійскім гульням 2024 у Парыжы.


  • Прэзідэнт Міжнароднага алімпійскага камітэта Томас Бах выказаў упэўненасць у правядзенні Гульняў XXXII алімпіяды ў Токіа летам 2021 года. У размове з прадстаўнікамі японскіх СМІ ён адзначыў, што МАК не мае «плану Б» нават на фоне рэзкага ўсплёску выпадкаў захворвання на каранавірус у японскай сталіцы. «У нас няма ніякіх падстаў меркаваць, што старты ў Токіа не адкрыюцца 23 ліпеня. Арганізацыйны камітэт і МАК поўныя рашучасці зрабіць Гульні бяспечнымі і паспяховымі», — адзначыў Томас Бах. 

Раней аргкамітэт і ўрад Японіі выключылі якія-небудзь іншыя адтэрміноўкі ў правядзенні Алімпіяды. Прэм’ер-міністр Японіі Есіхідэ Суга настойвае на тым, што галоўныя старты будуць праведзены адпаведна з графікам як «доказ перамогі чалавецтва над каранавірусам». 

Сваёй галоўнай задачай арганізатары лічаць бяспеку ўдзельнікаў і аматараў. Томас Бах неаднаразова падкрэсліваў, што эканоміі сродкаў для гэтага не будзе. Праз дадатковыя расходы, звязаныя з пераносам Алімпійскіх гульняў і мерамі супраць распаўсюджвання каранавіруса, бюджэт форуму значна ўзрос, зараз ён складае 15,9 мільярдаў долараў. 


  • У цырымоніі адкрыцця XXXII летніх Алімпійскіх гульняў у Токіа прыме ўдзел шэсць тысяч атлетаў. Пра гэта, спасылаючыся на японскія СМІ, паведаміў Міжнародны алімпійскі камітэт. Арганізацыйны камітэт Алімпіяды ў японскай сталіцы выступае за спрашчэнне цырымоніі адкрыцця ў сувязі з аптымізацыяй затрат і прафілактыкай распаўсюджвання каранавіруса. Да пераносу Алімпійскіх гульняў планавалася, што на ўрачыстай цырымоніі адкрыцця будзе задзейнічана каля 11 тысяч спартсменаў з 200 краін. Аднак праз пандэмію цырымонію скарацілі. Цяпер галоўная задача арганізатараў — пазбегнуць вялікай колькасці людзей у зоне выхаду на стадыён.

  • Будаўніцтва Вёскі атлетаў да зімовых Алімпійскіх гульняў 2022 скончыцца ў чэрвені 2021 года. «Зараз вядзецца актыўнае будаўніцтва жылога комплексу. У ім падчас спаборніцтваў размесціцца больш за 2300 атлетаў і членаў афіцыйных дэлегацый. Асноўныя работы павінны скончыцца ў чэрвені», — расказаў намеснік дырэктара адміністрацыйнага камітэту Алімпійскага парка Ян Пін. У кітайскай сталіцы будуць жыць прадстаўнікі відаў спорту, спаборніцтвы па якіх пройдуць у кітайскай сталіцы. Біятланісты, снаўбардысты і лыжнікі будуць выступаць у горадзе Чжанцзякоў, які размешчаны за 193 кіламетрах ад Пекіна, там узводзіцца яшчэ адна Алімпійская вёска.

У Пекіне ўжо гатовы Нацыянальны канькабежны цэнтр, Дзяржаўны палац спорту, дзе будуць разыграны медалі ў фігурным катанні і шорт-трэку. Гатовы і Нацыянальны плавальны комплекс, які прыме алімпійскія спаборніцтвы па кёрлінгу. Усяго спаборніцтвы будуць прымаць 25 аб’ектаў, размешчаныя ў трох кластарах — Пекіне, Чжанцзякоў і Яньцыне. Арганізатары ў поўнай меры выкарыстоўваюць спадчыну летніх Алімпійскіх гульняў, якія Пекін прымаў у 2008 годзе. 

XXIV зімовыя Алімпійскія гульні пройдуць у Кітаі з 4 па 20 лютага 2022 года. Медалі будуць разыграны ў 109 дысцыплінах. Упершыню будуць прадстаўлены спаборніцтвы ў жаночым слоуп-стайле (фрыстайл), мужчынскім і жаночым біг-эйры (снаўборд), змяшанай эстафеце ў шорт-трэку і жаночых адзіночных заездах у бобслеі. 


  • Арганізацыйны камітэт Алімпійскіх і Паралімпійскіх гульняў у Пекіне прадставіў афіцыйныя піктаграмы спаборніцтваў. На 24 піктаграмах адлюстраваны дысцыпліны, уключаныя ў праграму Алімпіяды-2022, яшчэ шэсць — дысцыпліны Паралімпіяды. 

Піктаграмы распрацаваны на аснове традыцыйнага кітайскага пісьменства і адлюстроўваюць дынамічнасць зімовых відаў спорту і багатую графічную культуру Кітая. Як адзначаецца, аўтараў натхнілі піктаграмы летніх гульняў у Пекіне, якія прайшлі ў 2008 годзе. 

Упершыню спартыўныя піктаграмы былі прадстаўлены на Алімпійскіх гульнях 1964 года ў Токіа. Яны неабходныя для візуальных зносін міжнародных груп спартсменаў і аматараў. Яны дапамагаюць ідэнтыфікаваць пэўны від спорту, выкарыстоўваюцца ў дызайне білетаў, плакатаў і іншай друкаванай прадукцыі. Разам з талісманам і лагатыпам піктаграмы надаюць кожным Алімпійскім гульням унікальны вобраз. 


  • Выканаўчы камітэт Міжнароднага алімпійскага камітэту зацвердзіў генеральны план правядзення Алімпійскіх і Паралімпійскіх гульняў 2024 году ў Парыжы, які прадставіў арганізацыйны камітэт алімпіяды. 

Разам з міжнароднымі федэрацыямі па відах спорту, Міжнародным паралімпійскім камітэтам, зацікаўленымі бакамі арганізатары распрацавалі адноўленую канцэпцыю галоўных стартаў чатырохгоддзя. Аптымізаваная стратэгія Алімпіяды — 2024 азначае новую эру ў правядзенні Гульняў. Яна прадугледжвае скарачэнне колькасці новых пабудоў, магчымасць сумеснага выкарыстання некаторых аб’ектаў, эканомія бюджэту і строгі кантроль над расходамі, беражлівыя адносіны да навакольнага асяроддзя. 

Напрыклад, у дэпартаменце Сен-Сен-Дэні будзе пабудавана новая база для спартыўнага скалалажання. У гэтым раёне будуць праводзіцца алімпійскія спаборніцтвы па пяці відах спорту: лёгкая атлетыка, водныя віды, скалалажанне, рэгбі і стральба. У дэпартаменце будуецца Палац водных відаў спорту, які задаволіць патрэбы насельніцтва.  

Генеральны план прадугледжвае перанос некаторых спаборніцтваў на іншыя арэны. Імкненне выкарыстоўваць ужо існуючыя аб’екты, а не будаваць новыя акажа станоўчы ўплыў на намаганні Парыжу ў галіне ўстойлівага развіцця. У параўнанні з дзвюма апошнімі Алімпійскімі гульнямі, форум у Парыжы выклікае ўдвая меншы выкід вуглякіслага газу. Гэта стане магчыма дзякуючы таму, што ў Парыжы будзе выкарыстана 95 % ужо існуючых спартыўных арэн, а не будуць стварацца новыя. 

Валерыя СЦЯЦКО

Прэв’ю: ski.ru

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.