Вы тут

Дэлегат сходу: Усенародны грамадскі дыялог недаацэньваць нельга


Галоўная мэта такога маштабнага форуму, як Усебеларускі народны сход, сцвярджае старшыня Пастаяннай камісіі па працы і сацыяльных пытаннях Палаты прадстаўнікоў Людміла КАНАНОВІЧ, — абмеркаваць актуальныя пытанні жыцця грамадства, разгледзець іх на агульнарэспубліканскім узроўні, выпрацаваць шляхі рашэння.


Людміла Мікалаеўна ўспамінае, што на Усебеларускім народным сходзе ў 2016 годзе яе абралі дэлегатам ад Мінскай вобласці, і гэта было знакам вялікай пашаны і даверу. «Прадстаўніцтва ўдзельнікаў на мінулым форуме было максімальна разнастайнае, і я ўпэўненая, што гэтую практыку трэба працягнуць і пры абранні дэлегатаў на чарговы сход. Вельмі важна, каб былі прадстаўлены розныя ўзроставыя, сацыяльныя, прафесійныя і нацыянальныя групы: моладзь, ветэраны, вясковыя жыхары, прадстаўнікі рабочых прафесій і органаў улады», — кажа дэпутат.

Парламентарый пералічыла, якім аспектам мяркуе ўдзяліць на форуме асаблівую ўвагу — павышэнне даходаў, праблемы пенсіянераў, сацыяльная абарона і абслугоўванне, занятасць, падтрымка сям'і.

«Уважлівае стаўленне да старэйшых — характэрная рыса беларускага менталітэту. Дзяржава клапоціцца аб такой катэгорыі грамадзян, — заўважае суразмоўніца. — І тут адной з задач з'яўлялася і будзе з'яўляцца падтрымка ўзроўню пенсій непрацаздольных грамадзян і забеспячэнне своечасовасці і паўнаты выплат».

Дынамічна развіваецца і ўдасканальваецца, адзначае Людміла Канановіч, падтрымка малазабяспечаных грамадзян і тых, што знаходзяцца ў цяжкай жыццёвай сітуацыі. Гэтым пытанням таксама плануецца ўдзяліць увагу на Усебеларускім народным сходзе.

«У плане занятасці грамадзян шмат зроблена для павышэння канкурэнтаздольнасці беспрацоўных праз іх навучанне. Зарэгістраваныя ў дзяржаўнай службе занятасці беспрацоўныя маюць магчымасць атрымаць новую прафесію, павысіць кваліфікацыю, навучыцца асновам прадпрымальніцтва і ўзяць фінансавую дапамогу для адкрыцця ўласнага бізнесу. Такая сістэма будзе развівацца і далей», — заўважае Людміла Канановіч.

Паводле слоў дэпутата, падтрымка сям'і — яшчэ адна актуальная задача беларускай дзяржавы, якой чарговы раз аддадуць увагу на народным форуме.

«Вельмі шмат у гэты перыяд паступае зваротаў грамадзян з прапановамі па ўдасканаленні заканадаўства па розных кірунках жыццядзейнасці нашай краіны. Нам, дэпутатам, важна пачуць, што сёння асабліва турбуе людзей, якой яны хочуць бачыць нашу краіну ў будучыні. З такой мэтай па ўсёй краіне праходзяць сустрэчы з насельніцтвам у форме дыялогавых пляцовак. Гэты ўсенародны грамадскі дыялог недаацэньваць нельга», — рэзюмуе парламентарый.

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.