Вы тут

Холад і цеплыня Самары


Хоць анамальна магутныя снегапады замялі гэты горад, аднак беларускае жыццё ў ім прадаўжаецца


Са СМІ многія ведаюць: Самару пасля Новага года замяло так, як не было амаль паўстагоддзя. Але паспелі яшчэ да снегападаў актывісты Самарскай абласной грамадскай арганізацыі беларусаў і выхадцаў з Беларусі “Руска-Беларускае Братэрства 2000” ў святочных імпрэзах паўдзельнічаць. Скажам, у Доме культуры “Заря” праходзілі навагоднія спектаклі, на якія запрошаныя былі й дзеці з творчых калектываў, нядзельных школ нацыянальных грамадскіх аб’яднанняў, якія ўдзельнічаюць у іх творчых імпрэзах, канцэртах. Там ім яшчэ й салодкія падарункі ўручылі. Добрая самарская традыцыя — і міжнацыянальная ёлка “Огоньки дружбы”, на якую запрашаюць дзяцей з нацыянальных грамадскіх аб’яднанняў. Ладзіць яе Цэнтр сацыяльнага й міжкультурнага партнёрства “Содружество”. На абедзвюх святочных імпрэзах дзякуючы спрыянню “Руска-Беларускага Братэрства 2000” пабывалі дзеці з нядзельнай школы “Родны кут”, салісты дзіцячых беларускіх вакальных і харэаграфічных калектываў.

І прыкладна ў тыя ж дні па даручэнні прэзідэнта суполкі Ірыны Глускай актывістка Таццяна Даутава сустракалася ва Уфе з Артурам Карповічам: гэта новы дарадца-кіраўнік Уфімскага аддзялення Пасольства Беларусі ў Расіі. Таццяна — адміністратар і салістка беларускага вакальнага ансамбля “Каданс”, яна расказала пра планы суполкі, творчага калектыву, перадала віншаванне дыпламату ад праўлення “Руска-Беларускага Братэрства 2000” у сувязі з прызначэннем яго на пасаду. Артур Карповіч выказаў свае прапановы па наладжванні ўзаемадзеяння.

А яшчэ традыцыйная сустрэча беларускага актыву ў адзін з дзён Святак прайшла ў Самары. Гэта заўсёды, нагадаю, не проста пагружэнне ў традыцыі беларускага народа па святкаванні Калядаў, але й “каардынацыя сіл” на далейшыя справы. Цікавую, насычаную святочную праграму падрыхтавалі кіраўніца моладзевага аддзялення Юлія Цяплянская з мужам — адным з намеснікаў па грамадскай працы Георгіем Курмаковым. Калядныя гісторыі, віктарыны й конкурсы, карагоды й Калядныя песні — шмат чаго было. І, вядома ж, святочны стол з 12 стравамі беларускай кухні: куцця і адвар у цэнтры, бульбяная бабка й дранікі, смажанікі, цыбрыкі, бліны й блінчыкі з рознымі начынкамі, свіныя каўбаскі ды рулеты, саленні й хатняя выпечка, а пад святочным абрусам паслалі сена. Віншавалі сяброў-беларусаў з Навагоднімі й Каляднымі святамі Заграб Мірзаян, старшыня Армянскай нацыянальна-культурнай аўтаноміі “НАИРИ”, творчыя партнёры з 77‑й мінскай сярэдняй школы, з самарскага Цэнтра пазашкольнай адукацыі “Творчество”.

Мікалай Бойка, г. Самара

Выбар рэдакцыі

Грамадства

Дапамогуць бружмель і бацвінне. Якія прадукты варта дадаць у рацыён цяпер, каб умацаваць імунітэт да зімы?

Дапамогуць бружмель і бацвінне. Якія прадукты варта дадаць у рацыён цяпер, каб умацаваць імунітэт да зімы?

Сёння даказана, што лісце морквы, радыскі, рэпы і буракоў карыснае не менш за караняплоды.

Грамадства

Ваша дзіця піша вершы? Абавязкова растлумачце яму пра інтэлектуальную ўласнасць

Ваша дзіця піша вершы? Абавязкова растлумачце яму пра інтэлектуальную ўласнасць

Якія перавагі можа прынесці дзецям інтэлектуальная ўласнасць, расказалі ў НЦІУ.

Грамадства

Вогненныя вёскі. Нельга забыць. Кожны трэці Докшыцкага краю

Вогненныя вёскі. Нельга забыць. Кожны трэці Докшыцкага краю

Сёстры Хатыні... Колькі іх на тэрыторыі Беларусі? Гэту лічбу даследчыкі дакладна не могуць вывесці і сёння.