Вы тут

Сенатар Кацярына Серафіновіч: VI Усебеларускі народны сход стане гістарычным па сэнсе


— Многае ўжо сказана пра Усебеларускі народны сход, як яго дэлегатамі, так і тымі, хто не зычыць краіне і яе народу дабра, спрабуючы зрабіць так, каб сход не адбыўся. Дарэмныя гэтыя старанні нядобразычліўцаў — шосты па ліку Усебеларускі народны сход пройдзе 11–12 лютага, і гэта будзе, я ўпэўнена, адна з найбольш важных падзей не толькі бягучага года, але і ў цэлым пяцігодкі. Гэта будзе мерапрыемства, на якім вызначацца грамадска-палітычны і сацыяльна-эканамічны кірункі жыцця краіны на бліжэйшую і больш аддаленую перспектывы.


Якімі яны будуць? Гэта пытанне сёння цікавіць многіх. У складзе прадстаўнікоў рэгіянальных СМІ давялося прысутнічаць на прэзентацыі праекта Праграмы сацыяльна-эканамічнага развіцця Рэспублікі Беларусь на 2021–2025 гады. Палажэнні Праграмы былі дэталёва разгледжаны і на абласным сходзе дэлегатаў Гродзенскай вобласці, акцэнт быў зроблены на развіццё прынёманскага краю.

У цэлым уражвае праект Праграмы, у ім так граматна спалучыліся напрамкі, накіраваныя на развіццё прамысловага комплексу, высокатэхналагічных вытворчасцяў, і разам з тым асноўнымі напрамкамі сацыяльна-эканамічнага развіцця Беларусі ў новай пяцігодцы стануць умацаванне інстытута сям’і, садзейнічанне занятасці, дастойная аплата працы, актыўнае даўгалецце… Так шмат увагі нададзена непасрэдна клопату аб чалавеку, аб кожным жыхары рэспублікі. …Важна, каб усе грамадзяне краіны, нашы землякі азнаёміліся з праектам Праграмы, якая будзе абмяркоўвацца і прымацца на ўсенародным форуме. Для гэтага на старонках «Лідскай газеты», на яе сайце, у сацыяльных сетках рэдакцыяй размешчаны палажэнні Праграмы.

Упэўнена, сваё слова скажуць дэлегаты сходу. А гэта людзі, якія не толькі вызначыліся ў жыцці з прафесіяй, і дасягнулі ў ёй значных поспехаў, але і маюць актыўную грамадзянскую пазіцыю і працуюць на ўсеагульную карысць. Такіх патрыётаў краіны я часта сустракаю сярод сваіх калег, сярод тых лідчан, з кім даводзіцца мець стасункі па працы, і, безумоўна, у Савеце Рэспублікі.

Адданыя сваёй сям’і, справе, Радзіме людзі маюць права і магчымасць сказаць сваё слова пры вырашэнні будучыні краіны. У Год народнага адзінства мы ўсе, незалежна ад сацыяльнага статусу, палітычных поглядаў, павінны згуртавацца вакол самых важных для нас каштоўнасцей і дбаць пра мір і згоду ў нашым агульным доме — Беларусі.

Выбар рэдакцыі

Эканоміка

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Сёлета плануецца ўвесці ў эксплуатацыю 4 млн квадратных метраў агульнай плошчы жылля.

Грамадства

Не параўноўвайце сябе з іншымі. Як таксічныя людзі атручваюць наша жыццё?

Не параўноўвайце сябе з іншымі. Як таксічныя людзі атручваюць наша жыццё?

У нашым акружэнні практычна заўсёды знойдзецца песіміст, нечым пакрыўджаны, запальчывы чалавек, вакол якога заўсёды скандалы і звадкі. 

Грамадства

Па ўсёй краіне наступіў час школьных базараў

Па ўсёй краіне наступіў час школьных базараў

Скідкі, растэрміноўкі і шырокі асартымент