Вы тут

Да зімовых Алімпійскіх гульняў у Пекіне — год!


Роўна праз год, 4 лютага 2022 года, на Нацыянальным стадыёне «Птушынае гняздо» будзе запалены агонь XXIV зімовых Алімпійскіх гульняў у Пекіне. Сусветны ажыятаж вакол галоўных стартаў чатырохгоддзя з кожным днём узрастае. Сабралі важныя факты, якія неабходна ведаць пра Алімпійскія гульні 2022.


  • З 4 па 20 лютага 2022 года спартсмены з 95 краін будуць выступаць на спаборніцтвах па 7 відах спорту. Усяго атлеты разыграюць 109 камплектаў медалёў — на сем больш, чым у Пхёнчхане ў 2018 годзе. У ліку новых дысцыплін — жаночыя адзіночныя спаборніцтвы па бабслею ці монабоб. Праграма спаборніцтваў па лыжнай акрабатыцы папоўнілася мужчынскім і жаночым біг-эйрам і змешанымі каманднымі спаборніцтвамі. Спартсмены ўпершыню будуць выступаць у змешаных камандных спаборніцтвах у скачках на лыжах з трампліна. У Пекіне дэбютуюць змешаныя эстафеты па снаўбордзе-кросу і шорт-трэку.
  • Пекінская Алімпіяда стане самай гендарна збалансаванай у гісторыі зімовых Гульняў. У параўнанні з 2018 годам, працэнт жанчын-удзельніц вырасце з 41 да 45. Плануецца, што на алімпійскіх аб’ектах паспрабуюць свае сілы каля 3000 спартсменаў.
  • Беларускія спартсмены плануюць выступіць на зімовай алімпіядзе 2022 у біятлоне, лыжных гонках, фрыстайле, канькабежным спорце, фігурным катанні, горных лыжах, хакеі з шайбай. Адбор на Гульні ў многіх дысцыплінах вядзецца па сусветнаму рэйтынгу. Канчатковы састаў беларускай алімпійскай дэлегацыі будзе вядомы ў снежні 2021 года.
  • Пекін стане першым горадам, які прымаў і летнія, і зімовыя Алімпійскія гульні. За права правядзення гульняў Пекін спаборнічаў з казахскім горадам Алма-Ата. Кітайская сталіца перамагла з перавагай у чатыры галасы.
  • З моманту атрымання права на правядзенне Алімпійскіх гульняў на 128-й Генеральнай асамблеі Міжнароднага алімпійскага камітэту ў 2015 годзе, кітайскія арганізатары стараюцца эфектыўна выкарыстоўваць спадчыну летніх гульняў, якія прайшлі ў Пекіне ў 2008 годзе. Комплекс «Водны куб», дзе ў 2008 годзе праходзілі старты па плаванні, у 2022 годзе прыме каманды па кёрлінгу. Дзяржаўны палац спорту, што прымаў алімпійскія турніры па гандболе, спартыўнай гімнастыцы і скачках на батуце, у наступным годзе стане галоўнай хакейнай пляцоўкай. Комплекс мае дзве хакейныя каробкі — для афіцыйных спаборніцтваў і для трэніровак. Усяго будзе задзейнічана 25 спартыўных аб’ектаў.
  • Алімпійскія спаборніцтвы пройдуць у трох кітайскіх гарадах. Пекін прыме фігурнае катанне, канькабежны спорт, шорт-трэк і хакей з шайбай. Чжанцзякоў — лыжныя віды, біятлон і снаўборд, Яньцын стане цэнтрам бабслею, горных лыж і саннага спорту. У Чжанцзякоў, які размешчаны ў 193 кіламетрах ад Пекіна, ужо працуе міжнародны аэрапорт і пабудавана хуткасная чыгунка з Пекіна.

  • Афіцыйны талісман зімовых Алімпійскіх гульняў 2022 у Пекіне — вялізная Панда па імені Бін Дуньдунь. «Бін» — у перакладзе з кітайскага «лёд». Гэта слова таксама азначае чысціню і сілу. «Дуньдунь» сімвалізуе дзяцей. Талісман увасабляе сілу цела і волі спартсменаў. «Валодаючы ледзяным касцюмам, залатым сэрцам і любоўю к усім зімовым відам спорту, панда Бін Дуньдунь гатова падзяліцца сапраўдным духам Алімпійскіх гульняў з усім светам», — адзначалі арганізатары. Эмблема гульняў заснавана на іерогліфе «зіма». Яна адлюстроўвае канькабежца зверху і лыжніка знізу. Пасярэдзіне — маляўнічыя горы, лыжныя трасы і лядовыя каткі.

Валерыя СЦЯЦКО

Фота з адкрытых крыніц

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.