Вы тут

Песню бярыце з сабою... Мая ты казка


Мікола Шабовіч (нар. у 1959) — выдатны беларускі паэт, перакладчык, філолаг і педагог. Член Саюза пісьменнікаў Беларусі. Кандыдат філалагічных навук, дацэнт Беларускага дзяржаўнага педагагічнага ўніверсітэта імя Максіма Танка. Уладальнік рэспубліканскай літаратурнай прэміі «Залаты купідон», узнагароджаны медалём Саюза пісьменнікаў Беларусі «За вялікі ўклад у літаратуру» і нагрудным знакам «За ўклад у развіццё БДПУ». Аўтар шматлікіх кніг, артыкулаў, паэтычных зборнікаў.


Вершы — Мікола ШАБОВІЧ, музыка — Яўген КСЯНЕВІЧ.

1. Мая ты казка, мой ты сон,

Мой ранак спеўны,

Выратавальны парасон

У дзень залеўны.

Прыпеў:

...А зарапад сівой начы

Ў тваіх купаецца далонях,

І я маўчу, і ты маўчыш

У казкі дзіўнае ў палоне.

Хоць слоў нявыказаных шмат,

Мы іх назаўтра прыхаваем.

Хай сёння толькі зарапад

Нам сэрцы песняй спавівае.

2. Дзе песня тоіцца твая,

Дзе сум начуе?

Калі цябе пачую я,

Калі пачую?

Прыпеў.

3. Ці нашы сэрцы ва ўнісон

Заб'юцца ўранку,

Мая ты казка, ты мой сон,

Мар паланянка?

Прыпеў.


Рубрыку вядзе кампазітар Яўген Ксяневіч

evgenyksenevіch@gmaіl.com

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.