Вы тут

Пасля снежнага «Зігберта» — сапраўдныя маразы


Гэтымі днямі на паўднёвыя раёны Беларусі выйшаў цыклон, які атрымаў у нямецкіх сіноптыкаў імя «Зігберт» — менавіта ён прынёс у нашу краіну добрую порцыю снегу. Па меры прасоўвання цыклону ва ўсходнім напрамку ў нашу краіну пачне паступаць халодная няўстойлівая паветраная маса з паўночнага захаду. У гэты час тэмпературны фон пачне паніжацца, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


А сёння ўдзень будзе воблачна з праясненнямі. У многіх раёнах пройдзе невялікі снег. На асобных участках дарог чакаецца галалёдзіца. Вецер прагназуецца паўночна-заходні, заходні ўмераны, па паўднёвым усходзе месцамі моцны парывісты. Тэмпература паветра будзе ад мінус 4 да 10 градусаў ніжэй за нуль.

У выхадныя чакаецца далейшае ўзмацненне маразоў. У суботу ўначы і раніцай месцамі па краіне пройдзе невялікі кароткачасовы снег, удзень будзе пераважна без ападкаў. На асобных участках дарог магчымая галалёдзіца. Вецер прагназуецца паўночна-заходні, паўночны ўмераны. Тэмпература паветра ўначы складзе 13—18 марозу, месцамі — да мінус 20 градусаў, па поўдні краіны — мінус 10—12 градусаў. Удзень будзе 7—14 градусаў ніжэй за нуль.

У нядзелю будзе пераважна без ападкаў, толькі ўдзень месцамі па Брэсцкай вобласці пройдзе кароткачасовы снег. На асобных участках дарог чакаецца галалёдзіца. Вецер прагназуецца няўстойлівы слабы, удзень у паўднёва-заходніх раёнах парывісты. Тэмпература паветра ўначы складзе 15—22 марозу, месцамі — да мінус 23—25 градусаў. Удзень таксама будзе злёгку «кусаць за вушы» — мінус 7—14 градусаў ніжэй за нуль.

Паводле папярэдніх прагнозаў айчынных сіноптыкаў, на пачатку наступнага тыдня захаваецца падобнае марознае надвор'е.

А цяпер некалькі слоў аб мінулым студзені. У другім месяцы зімы ў сярэднім па краіне выпала 73,2 мм ападкаў, што складае 183 % кліматычнай нормы. Па ўсёй тэрыторыі краіны за месяц выпала 1,5—2 нормы. Ападкі былі ў выглядзе дажджу, снегу і мокрага снегу. Вышыня снежнага покрыва на апошні дзень месяца знаходзілася ў межах ад 5 см да 44 см.

Сярэдняя па Беларусі тэмпература паветра ў студзені склала мінус 4,1 градуса, што вышэй за кліматычную норму на 0,3 градуса. Тэмпературны рэжым на працягу месяца быў неаднародны. Вельмі цёплымі былі першая і трэцяя дэкады з сярэдняй тэмпературай паветра на 3,8 і 4 градусы вышэй за норму адпаведна. Другая дэкада была вельмі халодная (на 7 градусаў ніжэй за норму).

Сяргей КУРКАЧ

Прэв’ю: з адкрытых крыніц

Выбар рэдакцыі

Грамадства

Даведаліся, колькі каштуе букет на 8 Сакавіка

Даведаліся, колькі каштуе букет на 8 Сакавіка

Ці прынята ў нас дарыць «мільён алых руж» каханай?

Грамадства

Настрой цудоўнай і лёгкай вясны стварылі ў гандлёвым цэнтры «Сталіца»

Настрой цудоўнай і лёгкай вясны стварылі ў гандлёвым цэнтры «Сталіца»

Напярэдадні Міжнарожнага жаночага дня Белаларускі саюз жанчын і канцэрн «Беллегпрам» правялі святочнае мерапрыемства «Настрой — Вясна».

У свеце

Каменданцкія часы. Чым падаграецца глабальная пратэсная хваля?

Каменданцкія часы. Чым падаграецца глабальная пратэсная хваля?

Людзі стаміліся ад лакдаўну і беспрацоўя і выходзяць на пратэсты, а надзея перамагчы пандэмію ўсеагульнай вакцынацыяй, падобна, растае на вачах: прэпараты па-ранейшаму недаступныя ўсім ахвотным і ў найбліжэйшы час сітуацыя наўрад ці зменіцца.

Грамадства

«Тут быў...» Што пісалі пяцьсот гадоў таму на сценах і камянях

«Тут быў...» Што пісалі пяцьсот гадоў таму на сценах і камянях

Іна Калечыц — першы і пакуль адзіны спецыяліст у Беларусі, які займаецца эпіграфікай.