Вы тут

Серафіновіч: VІ Усебеларускі народны сход не будзе юбілейным па ліку, але стане гістарычным па сэнсе


— Многае ўжо сказана пра Усебеларускі народны сход і яго дэлегатамі, і тымі, хто не зычыць краіне і яе народу дабра, спрабуючы зрабіць так, каб сход не адбыўся. Дарэмныя гэтыя старанні нядобразычліўцаў — шосты па ліку Усебеларускі народны сход пройдзе 11—12 лютага, і гэта будзе, я ўпэўнена, адна з найбольш важных падзей не толькі бягучага года, але і ў цэлым пяцігодкі. Гэта будзе мерапрыемства, на якім вызначацца грамадска-палітычны і сацыяльна-эканамічны кірункі жыцця краіны на найбліжэйшую і больш аддаленую перспектывы.


Якімі яны будуць, цікава многім. У складзе прадстаўнікоў рэгіянальных СМІ мне давялося прысутнічаць на прэзентацыі праекта Праграмы сацыяльна-эканамічнага развіцця Рэспублікі Беларусь на 2021—2025 гады. Палажэнні Праграмы былі дэталёва разгледжаны і на абласным сходзе дэлегатаў Гродзенскай вобласці, акцэнт быў зроблены на развіцці Панямонскага краю.

Наогул праект Праграмы ўражвае — у ім так граматна спалучыліся кірункі, нацэленыя на развіццё прамысловага комплексу, высокатэхналагічных вытворчасцяў, і разам з тым асноўныя шляхі да сацыяльна-эканамічнага развіцця Беларусі ў новай пяцігодцы, умацаванне інстытута сям'і, садзейнічанне занятасці, дастойная аплата працы, актыўнае даўгалецце... Вельмі шмат увагі ўдзелена непасрэдна клопату аб чалавеку, аб кожным жыхару краіны... Важна, каб усе грамадзяне Беларусі, нашы землякі азнаёміліся з праектам Праграмы, якая будзе абмяркоўвацца на ўсенародным форуме. Для гэтага на старонках «Лідскай газеты», на яе сайце, у сацыяльных сетках размешчаны палажэнні Праграмы.

Упэўнена, сваё слова скажуць дэлегаты сходу. А гэта людзі, якія не толькі вызначыліся ў жыцці з прафесіяй і дасягнулі ў ёй значных поспехаў, але і маюць актыўную грамадзянскую пазіцыю, працуюць на ўсеагульную карысць. Такіх патрыётаў краіны я часта сустракаю сярод сваіх калег, сярод тых лідчан, з кім даводзіцца мець зносіны па рабоце, і, безумоўна, у Савеце Рэспублікі.

Адданыя сваёй сям'і, справе, Радзіме людзі маюць права і магчымасць сказаць сваё слова пры вырашэнні будучыні краіны. У Год народнага адзінства мы ўсе, незалежна ад сацыяльнага статусу, палітычных поглядаў, павінны згуртавацца вакол самых важных для нас каштоўнасцяў і дбаць пра мір і згоду ў нашым агульным доме — Беларусі.

Выбар рэдакцыі

Спорт

Галоўны ўрач беларускай алімпійскай зборнай: Мы забяспечым вырашэнне любой праблемы

Галоўны ўрач беларускай алімпійскай зборнай: Мы забяспечым вырашэнне любой праблемы

Алімпійскія гульні ў Токіа стануць выпрабаваннем не толькі для спартсменаў, але і для медыцынскага персаналу. 

Культура

Маршал Сакалоўскі: хто казаў, што ўсе штабныя — баязліўцы?!

Маршал Сакалоўскі: хто казаў, што ўсе штабныя — баязліўцы?!

...4 кастрычніка 1941 года рэзідэнт савецкай разведкі ў Японіі Рыхард Зорге адправіў у Маскву сваю апошнюю радыёграму.

Палітыка

Малатком па міне: куды рушыць Літва?

Малатком па міне: куды рушыць Літва?

Нелегалы адмовіліся выконваць патрабаванні супрацоўнікаў Службы грамадскай бяспекі.

Эканоміка

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Сёлета плануецца ўвесці ў эксплуатацыю 4 млн квадратных метраў агульнай плошчы жылля.