Вы тут

«Мастацтва кнігі»: Нацыянальны конкурс праходзіць у 60-ы раз


Міністэрства інфармацыі нашай краіны многія дзесяцігоддзі падтрымлівае і развівае такі ўражальны творчы праект, як нацыянальны конкурс «Мастацтва кнігі». Сёлета ён праходзіць у 60-ы раз! Вынікі будуць агучаны на традыцыйнай Мінскай міжнароднай кніжнай выстаўцы-кірмашы. У гэтым годзе яна адбудзецца з 18 па 21 лютага.


Удзел у конкурсе, галоўнай мэтай якога з'яўляецца вызначэнне найлепшых выдавецкіх праектаў, што сталі падзеяй у нацыянальным кнігавыдавецтве, узялі 30 беларускіх выдавецтваў рознай формы ўласнасці. Было пададзена 214 выданняў. На папярэднім этапе для разгляду журы адабралі 95 кніг 16 выдавецтваў. Варта заўважыць, што найбольш выразна высокі ўзровень мастацкай і паліграфічнай культуры характарызуе прадукцыю дзяржаўных выдавецтваў. Іх асветніцкая, кніжная місія ў многім звязана і з выпускам сацыяльна значнай літаратуры, тых кніг, якія выконваюць у грамадстве асаблівую выхаваўчую ролю. І дзяржвыдавецтвы імкнуцца падыходзіць да рэалізацыі такіх праектаў творча.

На конкурсе «засвяцілася» шмат літаратуры, якая расказвае пра міжнародныя адносіны Беларусі, пра судакрананне беларускай культуры з усім светам.

— Надзвычай шмат цікавых з мастацкага, дызайнерскага пункту гледжання кніг, адрасаваных дзецям рознага ўзросту, — расказвае начальнік упраўлення выдавецкай і паліграфічнай дзейнасці Міністэрства інфармацыі Уладзімір АНДРЫЕВІЧ. — Нават па намінацыі «Разам з кнігай мы расцём» журы было досыць цяжка прыняць рашэнне.

— Дарэчы, а ў якіх намінацыях разглядаліся выданні на конкурсе «Мастацтва кнігі»?

— «Мая Беларусь», «ЛІТ-фармат», «Падручнік новага стагоддзя», «Фотапогляд», «Залатыя скрыжалі», «АРТ-кніга», «Навука і веды», «Духоўнасць». Гэта што да тэматычных намінацый. А ёсць яшчэ спецыяльныя намінацыі — «За ўклад у захаванне гісторыка-культурнай спадчыны», «Сцяжынкамі роднага краю», «Садружнасць», «У люстэрку часу», «Беларусь памятае». Паверце, працаваць у журы, старшынёй якога з'яўляецца рэктар Беларускай акадэміі мастацтваў, доктар мастацтвазнаўства, вядомы даследчык беларускай кніжнай графікі Міхаіл БАРАЗНА, было надзвычай складана. Але беларуская кніга вартая гэтага!..

А пра пераможцаў, пра тое, хто будзе ўганараваны Гран-пры конкурса ў намінацыі «Трыумф», мы даведаемся на ХХVІІІ Мінскай міжнароднай кніжнай выстаўцы-кірмашы, якая будзе працаваць з 18 да 21 лютага.

Кастусь Ладуцька

Фота Кастуся Дробава

Выбар рэдакцыі

Грамадства

Які хлеб любяць у Беларусі?

Які хлеб любяць у Беларусі?

У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.

Грамадства

Дыхаць на поўныя грудзі. Міфы і праўда аб мамапластыцы

Дыхаць на поўныя грудзі. Міфы і праўда аб мамапластыцы

Прадстаўніцам прыгожага полу заўсёды хочацца нешта змяніць у сваёй знешнасці. І часам жанчыны рашаюцца на кардынальныя крокі.

Культура

Арганізатар імпрэз Дзіяна Краснашапка: Сёння людзі знаходзяцца ў сваіх коканах, але ж для таго і існуюць танцы ды спевы, каб здымаць стрэс, негатыў

Арганізатар імпрэз Дзіяна Краснашапка: Сёння людзі знаходзяцца ў сваіх коканах, але ж для таго і існуюць танцы ды спевы, каб здымаць стрэс, негатыў

Яна ўпэўнена сябе адчувае і ў нацыянальным строі, калі робіць цеста для вясельнага каравая, і ў блакітным футры Снягуркі, калі праводзіць ранішнік для дзетак, і ў шыкоўнай сукенцы пэўнай эпохі, калі выконвае аўтэнтычныя беларускія спевы пад гукі старажытных музычных інструментаў.

Грамадства

Паразуменне падчас капрамонту: праз штрафы ці дамаўленне?

Паразуменне падчас капрамонту: праз штрафы ці дамаўленне?

Культура выканання работ падчас капрамонту ў Беларусі кульгае, а тэхналогія — парушаецца, сведчаць спецыялісты Дзяржбуднагляда.