У Барысаве ў міліцыю звярнуўся 25-гадовы мясцовы жыхар — у адной з забаўляльных устаноў горада ў яго ўкралі букет са 101 ружы.
У той дзень малады чалавек адзначаў у кавярні юбілей свайго сваяка. Там жа, карыстаючыся момантам, вырашыў зрабіць прапанову рукі і сэрца сваёй выбранніцы, уласна кажучы, свае планы барысаўчанін ажыццявіў, паведамляе група інфармацыі і грамадскіх сувязяў Барысаўскага РАУС.
Пасля ўрачыстага моманту букет пакінулі на выхадзе з установы, каб той не перашкаджаў. І толькі бліжэй да поўначы госці заўважылі, што кветкі непрыкметна зніклі.
Супрацоўнікам крымінальнага вышуку спатрэбілася пару гадзін, каб высветліць, што адбылося і хто мае дачыненне да крадзяжу. Аказалася, на чужое паклаў вока 35-гадовы наведвальнік більярднай, якая знаходзіцца ў суседнім памяшканні. Калі мужчына надумаў сыходзіць, убачыў каля дзвярэй кавярні ў вядры белыя ружы і вырашыў забраць букет з сабой.
Дарэчы, шлях да дома зламысніка паказалі апалыя пялёсткі руж.
Сяргей РАСОЛЬКА
З беларуска-літоўскай граніцы працягваюць паступаць весткі, ад якіх проста кроў стыне ў жылах.
Вызначыцца з выбарам прафесіі і месцам навучання можна да 7 жніўня ўключна.
У сераду ў Мінск вярнуўся бронзавы прызёр Алімпійскіх гульняў у скачках у вышыню Максім Недасекаў.
А яшчэ нармальны рабочы дзень, адпачынак і права на «бальнічны»...
