Вы тут

Зоркі са “Звязды”


Нашы калегі з Выдавецкага дома “Звязда” — у ліку пераможцаў і лаўрэатаў ХVІ Нацыянальнага конкурсу “Залатая Літара”. Іх ушаноўвалі напярэдадні Новага года ў сталічным Доме прэсы.


Валянціна Ждановіч атрымлівае ўзнагароду — “Залатую Літару”. Фота Ганны ЗАНКАВІЧ

Тыя, хто чытае нашае выданне ў інтэрнэт-версіі, са жніўня 2018‑га знаходзяць яго на партале ВД “Звязда”. Газета “Голас Радзімы” ўваходзіць у вялікую медыясям’ю, і нам прыемна працаваць побач з сапраўднымі прафесіяналамі! Журналістаў медыяхолдынга і нядаўна, 18 снежня, ушаноўвалі ў ліку пераможцаў і лаўрэатаў ХVІ Нацыянальнага конкурсу “Залатая Літара”. У іншыя гады падобныя цырымоніі праходзілі ў майскія дні, у часе Міжнароднай спецыялізаванай выставы “СМІ ў Беларусі”. Але ж, як адзначаў на ўрачыстасці першы намеснік Міністра інфармацыі Павел Лёгкі, пандэмія ўнесла ў планы свае карэктывы. Тым не менш прафесійныя журналісты з розных куткоў Беларусі змаглі сабрацца разам, ім уручылі заслужаныя ўзнагароды.

Асабліва парадаваліся мы за Валянціну Ждановіч, адказнага сакратара рэдакцыі часопіса “Беларусь. Belarus”: з выданнем наша рэдакцыя амаль 15 гадоў працуе ў творчым тандэме. Валянціна Міхайлаўна — украінка з Харкаўшчыны, вывучыла беларускую мову, на якой абараніла й кандыдацкую дысертацыю па мастацтвазнаўстве. Амаль 25 гадоў працуе ў часопісе. І напярэдадні свайго прыгожага юбілею атрымала перамогу ў персанальнай намінацыі “Найлепшы мастацка-публіцыстычны матэрыял (нарыс, эсэ, фельетон) рэспубліканскіх, абласных, раённых, гарадскіх, карпаратыўных друкаваных СМІ, інфармагенцтваў, сеткавых выданняў”. Летась Валянціна стала пераможцай і ў рэспубліканскім конкурсе, прысвечаным Трохгодцы малой радзімы. А нядаўна Беларускі саюз журналістаў ушанаваў яе званнем “Заслужаная журналістка Рэспублікі Беларусі”. Віншуем!

У розных намінацыях конкурсу Мінінфармацыі “Залатая Літара” адзначаны ў ліку пераможцаў і лаўрэатаў газета “Звязда”, Алена Брава з часопіса “Алеся”, газеты “Літаратура і мастацтва”, “Чырвонка. Чырвоная змена”. Усе гэтыя зоркі журналістыкі, выданні — з ВД “Звязда”.

Іван Іванаў

Выбар рэдакцыі

Спорт

Галоўны ўрач беларускай алімпійскай зборнай: Мы забяспечым вырашэнне любой праблемы

Галоўны ўрач беларускай алімпійскай зборнай: Мы забяспечым вырашэнне любой праблемы

Алімпійскія гульні ў Токіа стануць выпрабаваннем не толькі для спартсменаў, але і для медыцынскага персаналу. 

Культура

Маршал Сакалоўскі: хто казаў, што ўсе штабныя — баязліўцы?!

Маршал Сакалоўскі: хто казаў, што ўсе штабныя — баязліўцы?!

...4 кастрычніка 1941 года рэзідэнт савецкай разведкі ў Японіі Рыхард Зорге адправіў у Маскву сваю апошнюю радыёграму.

Палітыка

Малатком па міне: куды рушыць Літва?

Малатком па міне: куды рушыць Літва?

Нелегалы адмовіліся выконваць патрабаванні супрацоўнікаў Службы грамадскай бяспекі.

Эканоміка

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Сёлета плануецца ўвесці ў эксплуатацыю 4 млн квадратных метраў агульнай плошчы жылля.