Вы тут

Алеся — родная душа


У ліку верных сяброў беларусаў Еўпаторыі даўно значыцца й кіраўніца горада Еўпаторыі Алеся Харытоненка, якая нядаўна ўвайшла ў склад Дзярж­савета Расійскай Федэрацыі.


Алеся Харытоненка і Дзіна Шаўчэнка. З архіва Дзіны Шаўчэнкі

Напрыканцы года, перад Калядамі радасцю сваёй з намі падзялілася Дзіна Шаўчэнка, кіраўніца суполак “Крым — Беларусь” і “Беларускі Крыму” імя Еўфрасінні Полацкай. Беларусы Еўпаторыі, як кажуць, па гарачых слядах і павіншавалі Алесю Віктараўну, калі Указ Прэзідэнта Расіі аб яе зацвярджэнні на высокай і ганаровай пасадзе быў апублікаваны. Дзіна Рыгораўна праінфармавала нас, што ў кіраўніцы горада — дзве вышэйшыя адукацыі: закончыла Харкаўскі нацыянальны ўніверсітэт унутраных спраў ды Харкаўскі рэгіянальны інстытут дзяржкіравання пры Прэзідэнце Украіны. А яе кар’ера ў Крыме пачалася ў 2002‑м, калі выбралі яе дэпутаткай Заазёрненскага пасялковага савета. Заазёрнае — прыморскі курорт за 8 кіламетраў ад Еўпаторыі. Тады ж, дарэчы, і Дзіна Шаўчэнка, якая жыве ў пасёлку, пазнаёмілася й пасябравала з энергічнай дэпутаткай. “Я самая маладая дэпутатка пассавета!” — з годнасцю прадставілася Алеся ў іх першую сустрэчу.

Кар’ера ж Алесі Віктараўны, якой сёлета споўніцца 40 гадоў, была імклівай: восенню 2014‑га яе абралі старшынёй Еўпатарыйскага гарсавета, і ўжо ў снежні — старшынёй Асацыяцыі савета муніцыпальных утварэнняў Крыма. З лета 2019‑га кіраўніца Еўпаторыі працуе і ў складзе прэзідыума савета пры Прэзідэнце Расіі па мясцовым самакіраванні. Цяпер вось — новы кар’ерны ўзлёт, інакш і не назавеш, бо за 6 гадоў пройдзены шлях ад кіраўніцы звычайнага пассавета да Дзяржсавета Расіі.

“Еўпаторыі вельмі пашанцавала з кіраўніцай!” — лічыць Дзіна Шаўчэнка. — А сардэчнага цяпла ў Алесі хапае й для актывістаў беларускіх суполак, ветэранаў Вялікай Айчыннай вайны, якія жывуць у Еўпаторыі. Яна шмат гадоў побач з намі ў справах, удзельнічае ў нашых імпрэзах, падтрымлівае словам і дзеяннем”. Спадарыня Дзіна падлічыла: 15 разоў была на прыёмах у кіраўніцы горада! Дзялілася планамі, атрымлівала падтрымку, чула словы падбадзёрвання. І пра тое, дарэчы, не раз ужо згадвала няштатная карэспандэнтка ў допісах у рэдакцыю. З публікацый у “ГР” пра жыццё беларускай дыяспары ў Еўпаторыі, Крыме Дзіна Шаўчэнка ўклала, звярстала, падрыхтавала да друку кнігу “Беларусь — наша Радзіма, Крым — наш дом”. У ёй больш за 20 тэкстаў, ілюстрацыі. Не раз там згадваецца, ёсць на здымках і Алеся Харытоненка, родны па духу чалавек для мясцовых беларусаў. Якая ведае й пра 500‑годдзе беларускага кнігадрукавання, якое святкавалася ў свеце ў 2017‑м, і пра вершы Максіма Танка — ягоную кнігу падарыла Дзіна Шаўчэнка. Прычым адзін з вершаў еўпатарыйскую кіраўніцу настолькі ўразіў, што мела намер Алеся Віктараўна вывучыць яго на памяць. Адным словам: родная душа!

У адным з матэрыялаў, які быў змешчаны на старонках “ГР” (“У Еўпаторыі — свая”, 19.07.2018) ідзе гаворка пра тое, што Алеся Харытоненка ўручыла дыплом кіраўніцы суполкі “Крым — Беларусь” Дзіне Шаўчэнцы: аб занясенні яе імя на Дошку гонару за важкі ўнёсак у сацыяльна-эканамічнае развіццё муніцыпальнага ўтварэння. Яшчэ, ведаем, прывезла Дзіна Шаўчэнка еўпатарыйскай Алесі ў падарунак з Беларусі кампакт-дыск ансамбля “Сябры” з песняй “Алеся”, і песня пра дзяўчыну беларускую крымчанцы даспадобы. Як і дэкаратыўны кошык з лазы, прывезены з Беларусі, набыты на выставе, зладжанай Беларускім саюзам майстроў народнай творчасці.

Віншуем, Алеся Віктараўна! Спадзяемся, што плённая ваша супраца з беларусамі Крыма будзе доўжыцца на карысць абодвух народаў.

Іван Ждановіч

Выбар рэдакцыі

Грамадства

Дапамогуць бружмель і бацвінне. Якія прадукты варта дадаць у рацыён цяпер, каб умацаваць імунітэт да зімы?

Дапамогуць бружмель і бацвінне. Якія прадукты варта дадаць у рацыён цяпер, каб умацаваць імунітэт да зімы?

Сёння даказана, што лісце морквы, радыскі, рэпы і буракоў карыснае не менш за караняплоды.

Грамадства

Ваша дзіця піша вершы? Абавязкова растлумачце яму пра інтэлектуальную ўласнасць

Ваша дзіця піша вершы? Абавязкова растлумачце яму пра інтэлектуальную ўласнасць

Якія перавагі можа прынесці дзецям інтэлектуальная ўласнасць, расказалі ў НЦІУ.

Грамадства

Вогненныя вёскі. Нельга забыць. Кожны трэці Докшыцкага краю

Вогненныя вёскі. Нельга забыць. Кожны трэці Докшыцкага краю

Сёстры Хатыні... Колькі іх на тэрыторыі Беларусі? Гэту лічбу даследчыкі дакладна не могуць вывесці і сёння.