Студэнтка Віцебскага Ордэна Дружбы народаў медыцынскага ўніверсітэта Ганна КАЗЛОВА, дэлегат УНС:
— Для мяне гонарам будзе паўдзельнічаць у важным для краіны мерапрыемстве, без перабольшвання гістарычнага маштабу.
Для моладзі ў нашай краіне робіцца многае. У прыватнасці, можна атрымаць бясплатную і якасную адукацыю. І гэта трэба цаніць!
Канешне, у студэнцкай моладзі праблем хапае, але ёсць практыка іх вырашэння. Напрыклад, студэнцкі савет у нашай альма-матэр спрыяе вырашэнню цяжкіх пытанняў. Можна атрымаць падказку як выйсці з няпростай асабістай сітуацыі, знайсці маральную падтрымку.
Прыемна, што любыя пазітыўныя ідэя, якія на карысць інтэлектуальнага развіцця, правядзення вольнага часу, падтрымліваюцца кіраўніцтвам нашай ВНУ...
Вельмі цікавіць студэнтаў магчымасць падтрымкі валанцёрства. У нашым універсітэце усё больш ахвотных займацца гэтай грамадскай дзейнасцю. Неабходна выпрацаваць сістэмны падыход у гэтым пытанні. Неабходна, каб на дзяржаўным узроўні былі распрацаваны дакументы, якія будуць вызначаць статус валанцёра і тлумачыць функцыі, прадугледзець бонусы. Дарэчы, з пандэміяй дапамагалі змагацца і валанцёры...
Краіна, на жаль, сутыкнулася з інфармацыйнай вайной. Сацыяльныя сеткі нясуць не толькі добрае, але і негатыў. Шмат хлусні ў інтэрнэце. Таму трэба арганізоўваць дыскусіі, «круглыя сталы», сустрэчы з кансультантамі па электронным СМІ, падчас якіх моладзь зможа навучыцца як адрозніць праўду ад хлусні.
Аляксандр ПУКШАНСКІ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».