Вы тут

Дырэктар ААТ «Мурава» Пётр Білецкі: Павышаць прэстыж сельскага жыцця


Дырэктар ААТ «Мурава» Пружанскага раёна Пётр БІЛЕЦКІ:


Фота Яўгена Пясецкага.

— Стары добры лозунг «Кадры вырашаюць усё» як нідзе актуальны ў сельскай мясцовасці. Кваліфікаваных кадраў па-ранейшаму не хапае на вёсцы. На жаль, многія маладыя спецыялісты пасля адпрацоўкі стараюцца ўладкавацца ў горадзе. Але, каб моладзь захацела застацца ў вёсцы, важна захаваць пэўныя ільготы, у першую чаргу даступныя крэдыты на будаўніцтва жылля. Для многіх сем’яў гэта вырашальны фактар, каб назаўсёды застацца у сельскай мясцовасці.

Кіраўнікі сельгаспрадпрыемстваў ведаюць, што апошнім часам стала нашмат больш складана весці будаўніцтва жылля, бо ільготны крэдыт не кампенсуе кошт будаўніцтва, і сродкі даводзіцца адцягваць з абаротных актываў, што не проста нават для эканамічна моцнай гаспадаркі. Можна спытаць у кіраўніка кожнага сельгаспрадпрыемства, якое крыху мацней за серадняка, колькі ён будуе. І ён адкажа, што раней за кошт крэдытаў ў год будавалі па пяць-шэсць дамоў. Цяпер мала хто гэтым пахваліцца.

У сваёй гаспадарцы мы знайшлі выйсце ў набыцці старых дамоў. Вясковыя хаты купляем, праводзім капітальны рамонт, і даём сям’і спецыяліста добраўпарадкаванае жыллё з усімі камунальнымі зручнасцямі. Але ва ўладкаваных населеных пунктах, аграгарадках рынак такога жылля не вялікі. Значыць, давядзецца кардынальна вырашаць жыллёвае пытанне.

Нашы людзі за апошні час прывыклі да высокага ўзроўню жыцця і хочуць зберагчы гэтыя дасягненні: магчымасць спакойна працаваць, атрымліваць добры заробак, вучыць дзяцей, падтрымліваць дабрабыт сям’і. Якая б тэхніка не прыходзіла на дапамогу сельскаму працаўніку, а праца на зямлі застаецца цяжкай. Таму вясковы чалавек павінен быць упэўнены ў сваім заўтрашнім дні, павінен мець магчымасці для паўнавартаснага адпачынку. Значыць, належыць развіваць інфраструктуру вёскі, надаваць увагу сельскай адукацыі і медыцыне, не забываць пра бытавое абслугоўванне.

Запісала Святлана ЯСКЕВІЧ

Выбар рэдакцыі

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах. 

Грамадства

Ва ўстановах адукацыі чакаюць сваіх абітурыентаў

Ва ўстановах адукацыі чакаюць сваіх абітурыентаў

Вызначыцца з выбарам прафесіі і месцам навучання можна да 7 жніўня ўключна.

Спорт

«Максім сказаў і зрабіў». Бацькі і трэнеры пра алімпійскі поспех Максіма Недасекава

«Максім сказаў і зрабіў». Бацькі і трэнеры пра алімпійскі поспех Максіма Недасекава

У сераду ў Мінск вярнуўся бронзавы прызёр Алімпійскіх гульняў у скачках у вышыню Максім Недасекаў.

Грамадства

Рэгістрацыйныя карткі для таксістаў

Рэгістрацыйныя карткі для таксістаў

А яшчэ нармальны рабочы дзень, адпачынак і права на «бальнічны»...