Вы тут

Дэлегат УНС: Наша дзяржава захоўвае сваю сацыяльную накіраванасць


Святлана Шутава, Член Пастаяннай камісіі Палаты прадстаўнікоў па дзяржаўным будаўніцтве, мясцовым самакіраванні і рэгламенце:


— Наша дзяржава захоўвае сваю сацыяльную накіраванасць, у цэнтры яе ўвагі заўсёды чалавек. Мне імпануе, што ў Праграме сацыяльна-эканамічнага развіцця на будучую пяцігодку сярод прыярытэтаў менавіта моцныя рэгіёны. У маю акругу ўваходзяць тры раёны Магілёўшчыны — Асіповіцкі, Глускі і Клічаўскі. У Асіповічах, напрыклад, летась была капітальна адрамантаваная бальніца, практычна нанова пабудаваная паліклініка, адкрыўся новы корпус цэнтра сацыяльнага абслугоўвання насельніцтва, закладзены шматфункцыянальны цэнтр для моладзі. Прыемныя змены адбыліся ў Глуску і Клічаве. Але шмат над чым яшчэ трэба працаваць. У Глуску існуюць праблемы з транспартнымі зносінамі, жыхары мараць пра чыгунку. У Клічаўскім раёне не ўсюды функцыянуе мабільная сувязь. Хацелася б, каб адкрыліся нейкія новыя вытворчасці, бо нельга сказаць, што ў гэтых раёнах вялікая разнастайнасць рабочых месцаў. Філіялы буйных вытворцаў там не перашкодзяць. Вельмі вялікія спадзяванні на тое, што праграма на бліжэйшыя пяць гадоў дасць добры імпульс для развіцця рэгіёнаў. У прыярытэце моладзь, сям’я, прадугледжана шмат стымулаў для нараджэння дзяцей, адзін з асноўных — будаўніцтва жылля, у тым ліку на раёнах. А свой дом або кватэра — адзін з важных складнікаў для моладзі, тое, што сапраўды можа прывабіць яе ў раёны з буйных гарадоў. Па-ранейшаму, стаўка робіцца на эканоміку і прыцягненне інвестыцый у малыя населеныя пункты.

У кожным рэгіёне свае асаблівасці і дэлегаты здольныя данесці іх да кіраўніцтва краіны. Дыялогавыя пляцоўкі, круглыя сталы далі магчымасць выказацца ўсім. Людзі гатовыя прымаць удзел у вырашэнні нейкіх лёсавызначальных пытанняў для краіны і рэгіёнаў. І вельмі своечасова год аб’яўлены Годам народнага адзінства. Для беларусаў аб’яднальнай ідэяй з’яўляецца патрыятызм, сямейныя каштоўнасці. Нягледзячы на розныя меркаванні, людзей заўсёды яднае любоў да малой радзімы і сваёй Айчыны.

Запісала Нэлі ЗІГУЛЯ

Загаловак у газеце: «У цэнтры ўвагі — чалавек»

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.