Вы тут

​Што яднала і адрознівала Шамякіна і Мележа


У Дзяржаўным музеі гісторыі беларускай літаратуры 8 лютага 2021 года адкрылася літаратурна-дакументальная экспазіцыя «Ад палескіх імхоў да асвейскіх крыніц...», прысвечаная 100-годдзю з дня нараджэння Івана Шамякіна і Івана Мележа.


Гэтыя пісьменнікі маюць шмат агульнага. Абодва нарадзіліся на Палессі, абодва сталі народнымі пісьменнікамі і класікамі яшчэ пры жыцці... Якраз пра тое, што аб'ядноўвае двух выдатных майстроў слова, і расказвае новая экспазіцыя ў музеі гісторыі беларускай літаратуры.

— Наша выстаўка называецца «Ад палескіх імхоў да асвейскіх крыніц...», гэтак жа называецца раздзел эсэ «Зямля пад белымі крыламі» Уладзіміра Караткевіча. У аснову часовай літаратурна-дакументальнай экспазіцыі пакладзены ўспаміны Івана Пятровіча Шамякіна «Палёт над Палессем», прысвечаныя Івану Мележу. Яны надрукаваныя ў кнізе «Карэнні і галіны» ў 1986 годзе. Прачытаўшы іх, мы вырашылі, што цікава было б паказаць кожнага з юбіляраў як асобу, як чалавека, іх адносіны да калег-пісьменнікаў, да крытыкі сваіх твораў, і тым самым даць магчымасць зразумець, чым яны падобныя, а ў чым адрозніваюцца, — расказвае вядучы навуковы супрацоўнік навукова-экспазіцыйнага аддзела Паліна Таўген. — Выстаўкі, прысвечаныя Івану Шамякіну, у нас неаднойчы ладзіліся, таму і матэрыялаў назбіралася. Складаней было з тым, каб болей даведацца пра Івана Мележа, таму што яго архіва ў нас няма. А тыя матэрыялы, якія маем, трапілі да нас з архівамі іншых пісьменнікаў. Таму ў нас ёсць кнігі з аўтографамі, фотаздымкі, ліст Івана Паўлавіча пра выхад кнігі Васіля Быкава «Трэцяя ракета», дзе Мележ адзначае значнасць гэтага твора. Але цікава даведацца пра тое, як Іван Мележ і Іван Шамякін пазнаёміліся, калі пасябравалі, сталі суседзямі па кватэрах, па дачах. І вельмі часта ў іх адбываліся цёплыя гутаркі, калі абмяркоўвалі літаратуру альбо нешта побытавае. У многім, вядома, іх погляды розніліся, напрыклад у тым, што датычылася грамадскай дзейнасці. Цікавыя ўспаміны, хоць пісаліся яны ўжо пасля таго, як Івана Мележа не стала. Адчуванне, быццам Іван Шамякін падбіраў кожнае слова, каб не пакрыўдзіць памяць свайго сябра і калегі.
І гэта дарагога варта.

Выстаўка будзе дзейнічаць да 16 жніўня бягучага года. Дарэчы, наведаць яе да пачатку сакавіка можна па ўмовах акцыі «Музей і тэатр побач», якую распачалі Дзяржаўны музей гісторыі беларускай літаратуры і Беларускі дзяржаўны акадэмічны тэатр юнага гледача. Па яе ўмовах, наведаўшы з 3 лютага да 28 лютага 2021 года Беларускі дзяржаўны акадэмічны тэатр юнага гледача, вы атрымліваеце купон на 50 %-ную зніжку на наведванне пастаяннай і часовых экспазіцый Музея гісторыі беларускай літаратуры да 10 сакавіка 2021 года. На экскурсійнае абслугоўванне зніжка не распаўсюджваецца.

Алена ДРАПКО

Загаловак у газеце: Творцы аднаго часу і адной зямлі

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.