Вы тут

На гэтым тыдні маразы — да 20 градусаў


На гэтым тыдні маразы — да 20 градусаў, якія пры парывістым ветры будуць адчувацца як усе мінус 30.

Вось ужо зіма дык зіма. Другі тыдзень лютага зладзіць нам дадатковую праверку на ўстойлівасць. Прыйдзецца актыўна папрацаваць камунальнікам, дарожнікам, супрацоўнікам МНС, медыкам і іншым службам. А ўсё таму, што на гэтым тыдні чакаюцца складаныя ўмовы надвор'я.


Фота: pixabay.com

Актыўныя франтальныя раздзелы ўжо ўчора выклікалі ў паўднёва-заходніх раёнах нашай краіны пагаршэнне надвор'я. А заўтра днём уплыў актыўных франтальных раздзелаў распаўсюдзіцца на большую частку тэрыторыі краіны, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У сераду надвор'е крыху «суцішыцца». Уначы на большай частцы тэрыторыі краіны, а ўдзень месцамі пройдзе кароткачасовы снег, слабая завіруха. На асобных участках дарог магчымая галалёдзіца. Тэмпература паветра ўначы складзе 12—18 марозу, пры праясненнях — да мінус 20 градусаў. Удзень будзе 8—15 градусаў ніжэй за нуль.

У чацвер і пятніцу на дарогах і ў дварах у нас зноў будзе «снежная карусель». У чацвер у начныя гадзіны пераважна па паўднёвым захадзе, удзень на большай частцы тэрыторыі краіны пройдзе снег, удзень месцамі чакаюцца моцны снег, завіруха, снежныя заносы. На асобных участках дарог магчымая галалёдзіца. Тэмпература паветра ўначы складзе 11—18 марозу, месцамі — мінус 19—22 градусы. Удзень будзе ад мінус 8 градусаў да 14 марозу, па паўднёвым усходзе — мінус 5—7 градусаў.

Амаль на працягу цэлых сутак у пятніцу будзе ісці снег. Уначы пераважна па паўднёвым усходзе Беларусі, удзень месцамі чакаецца моцны снег. На большай частцы тэрыторыі краіны прагназуецца завіруха, узмацненне ветру парывамі да 15—20 м/с, на дарогах снежныя заносы. Тэмпература паветра на працягу сутак складзе
10—17 марозу, па паўднёвым усходзе — ад мінус 6 градусаў да 9 марозу.

І яшчэ. Сіноптыкі рэкамендуюць звяртаць увагу на тое, што вецер пры моцных парывах аказвае значны ўплыў на сілу маразоў. Так, 10 градусаў марозу пры хуткасці ветру 11—15 м/с адчуваецца як мінус 21—22 градусы. Гэта неабходна ўлічваць, асабліва калі стаяць (ісці) на вуліцы трэба досыць доўга.

Сяргей КУРКАЧ

Загаловак у газеце: Месцамі моцны працяглы снег

Выбар рэдакцыі

Грамадства

Шчаслівыя разам, або Формула кахання ад маці шасцярых сыноў

Шчаслівыя разам, або Формула кахання ад маці шасцярых сыноў

Крысціна Пасечнік вырасла ў сям’і цыркавых артыстаў. Дзяцей у такіх сем’ях звычайна раз, два і ўсё. Але ў Бога на яе конт былі іншыя планы.

Грамадства

Жанчыны «Нашай раніцы» на АНТ: лэдзі-бос, жанчына-агонь і дзяўчына-мара

Жанчыны «Нашай раніцы» на АНТ: лэдзі-бос, жанчына-агонь і дзяўчына-мара

Аб тэлебачанні, сям'і, сакрэтах прыгажосці, здароўя і добрага настрою.

Грамадства

Тэст. Беларускія жанчыны: імя ў гісторыі

Тэст. Беларускія жанчыны: імя ў гісторыі

Праверце, ці шмат вы пра іх ведаеце.

Грамадства

Тэлевядучая Кацярына Валовік: Маё шчасце залежыць толькі ад мяне!

Тэлевядучая Кацярына Валовік: Маё шчасце залежыць толькі ад мяне!

Асабісты погляд на тыя каштоўнасці, без якіх немагчыма паўнавартаснае жыццё жанчыны, незалежна ад узросту і статусу.