Вы тут

Усебеларускі народны сход — у прамым эфіры


Галоўнай падзеяй у эфіры тэлеканалаў медыяхолдынга «Беларусь 1» і «Беларусь 24», а таксама тэлеканалаў «АНТ» і «СТБ» 11 і 12 лютага стане трансляцыя VI Усебеларускага народнага сходу — маштабнага сацыяльна-эканамічнага форуму, на якім будзе вызначаны курс развіцця нашай дзяржавы на бліжэйшыя пяць гадоў. Журналісты і здымачныя групы Агенцтва тэленавін Белтэлерадыёкампаніі правядуць гэтыя дні разам з пачэснымі дэлегатамі і гасцямі форуму, як у Палацы Рэспублікі, так і на Макаёнка, 9.


Ужо заўтра, 11 лютага, у эфіры «Беларусь 1» і міжнароднага спадарожнікавага «Беларусь 24» з 9 гадзін раніцы і да 22 гадзін вечара ў рэжыме жывога вяшчання з трох тэлестудый журналісты АТН прадставяць аўдыторыі поўную карціну першага дня Сходу. Будзе працаваць вялікі інфармацыйны канал. У прамым эфіры з першых вуснаў прагучаць меркаванні, прапановы і планы аўтарытэтных прадстаўнікоў працоўных калектываў, галін улады, моладзі, працаўнікоў культуры і навукі, прамысловасці і сельскай гаспадаркі па далейшым удасканаленні розных сфер жыцця краіны і грамадства. У 11.00 і ў 14.30 у эфіры каналаў Белтэлерадыёкампаніі будуць весціся прамыя трансляцыі з Палаца Рэспублікі, а па завершанні першага дня форума ў 22.00 гледачоў чакае канцэрт майстроў мастацтва з удзелам артыстаў беларускай эстрады. 

Што да 12 лютага, то для аўдыторыі тэлеканалаў з 9 гадзін раніцы ў рэжыме рэальнага часу працягне працу інфармацыйны канал, які пакажа ўсе падзеі другога дня форуму. У 10.00 — прамая трансляцыя з Палаца Рэспублікі, а вечарам у студыі медыяхолдынга з удзелам запрошаных экспертаў і аналітыкаў пройдзе абмеркаванне і падвядзенне галоўных вынікаў VI Усебеларускага народнага сходу.

Таксама адзначым, аператыўную і цікавую інфармацыю пра падрыхтоўку і правядзенне форуму можна знайсці на афіцыйным сайце і тэлеграм-канале VI Усебеларускага народнага сходу і на афіцыйным тэлеграм-канале АТН «ATN NEWS». 

Алена ДРАПКО

Выбар рэдакцыі

Спорт

Галоўны ўрач беларускай алімпійскай зборнай: Мы забяспечым вырашэнне любой праблемы

Галоўны ўрач беларускай алімпійскай зборнай: Мы забяспечым вырашэнне любой праблемы

Алімпійскія гульні ў Токіа стануць выпрабаваннем не толькі для спартсменаў, але і для медыцынскага персаналу. 

Культура

Маршал Сакалоўскі: хто казаў, што ўсе штабныя — баязліўцы?!

Маршал Сакалоўскі: хто казаў, што ўсе штабныя — баязліўцы?!

...4 кастрычніка 1941 года рэзідэнт савецкай разведкі ў Японіі Рыхард Зорге адправіў у Маскву сваю апошнюю радыёграму.

Палітыка

Малатком па міне: куды рушыць Літва?

Малатком па міне: куды рушыць Літва?

Нелегалы адмовіліся выконваць патрабаванні супрацоўнікаў Службы грамадскай бяспекі.

Эканоміка

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Сёлета плануецца ўвесці ў эксплуатацыю 4 млн квадратных метраў агульнай плошчы жылля.