Вы тут

БДУ наладжвае супрацоўніцтва з маладзёжным бізнес-інкубатарам


Адпаведнае пагадненне аб супрацоўніцтве падпісалі прарэктар па навуковай рабоце БДУ Васіль Сафонаў і генеральны дырэктар бізнес-інкубатара «Маладзёжная сацыяльная служба» Алена Пліс. Дакумент пашырае магчымасці студэнтаў і супрацоўнікаў БДУ ў рэалізацыі іх прадпрымальніцкіх ініцыятыў.


Фота: mcc.by.

На стартавым этапе ўсе бізнес-праекты БДУ праходзяць экспертную ацэнку ў Стартап-цэнтры ўніверсітэта. Тут аўтары ідэй атрымліваюць інфармацыю аб яе актуальнасці на спажывецкім рынку і падтрымку ў складанні бізнес-плана і рэгістрацыі прадукту.

Бізнес-інкубатар дазволіць паскорыць камерцыялізацыю перспектыўных ініцыятыў. На працягу трох гадоў прадпрымальнікам-пачаткоўцам будзе аказаны шэраг паслуг, які ўключае льготную арэнду офіса, юрыдычную, бухгалтарскую, кансультацыйную дапамогу ў прыцягненні інвестараў.

Таксама дакумент прадугледжвае правядзенне сумесных прэзентацый, форумаў, лекцый, канферэнцый, сустрэч з прадстаўнікамі бізнес-супольнасці, рэалізацыю сумесных праектаў па падтрымцы і развіцці прадпрымальніцтва.

У БДУ надаецца вялікая ўвага развіццю прадпрымальніцкіх ідэй моладзі. З гэтай мэтай у 2019 годзе быў створаны Стартап-цэнтр, рэгулярна праводзяцца стартап-конкурсы, хакатоны і форумы: «ІNNSTART BSU», «Startup Heart», «HACKATHON: FROM ІPT TO ІPO» і іншыя. Пры падтрымцы Навукова-тэхналагічнага парка «Унітэхпрам БДУ» ўжо выраблена першая партыя інтэлектуальных упрыгожанняў, распрацаваных студэнтамі факультэта радыёфізікі і камп'ютарных тэхналогій. На гэтым факультэце функцыянуе таксама створаны яго студэнтамі дызайнерскі праграмуемы экран «LED SquaresBoard».

Надзея НІКАЛАЕВА

Загаловак у газеце: Ідэя + камерцыялізацыя

Выбар рэдакцыі

Эканоміка

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Сёлета плануецца ўвесці ў эксплуатацыю 4 млн квадратных метраў агульнай плошчы жылля.

Грамадства

Не параўноўвайце сябе з іншымі. Як таксічныя людзі атручваюць наша жыццё?

Не параўноўвайце сябе з іншымі. Як таксічныя людзі атручваюць наша жыццё?

У нашым акружэнні практычна заўсёды знойдзецца песіміст, нечым пакрыўджаны, запальчывы чалавек, вакол якога заўсёды скандалы і звадкі. 

Грамадства

Па ўсёй краіне наступіў час школьных базараў

Па ўсёй краіне наступіў час школьных базараў

Скідкі, растэрміноўкі і шырокі асартымент